Dje nuk respektoi ditën e zisë shtetore, sot Lista Srpska shpall tre ditë zie për terroristët e vrarë

Qeveria e Serbisë tha se nuk ka të bëjë me terroristë serbë që vranë policin e Kosovës, por, sot për terroristët e vrarë në Manstirin e Banjskës, 27 shtatorin e shpalli ditë zie.

Pas këtij vendimi të Qeverisë serbe, partia më kriminale në Evropë, Lista Srpska, dje nuk respektoi ditën e zisë shtetërore të shpallur nga Presidentja e Kosovës, Vjosa Osmani, ndërsa sot shpall tre ditë zie për terroristët e vrarë serbë!

“26, 27 dhe 28 shtator shpallen Ditë zie me rastin e rënies së bashkëqytetarëve tanë në ngjarjen tragjike në Banjskë, komuna Zveçan.

Në mjediset serbe në territorin e Kosovës:

– do të anulohen të gjitha eventet me karakter argëtues që organizohen nga institucionet lokale,

– flamujt e Serbisë, në të gjitha institucionet do të ulen në gjysmë shtizë,” thekson Lista Srpska përmes një komunikate duke përfunduar:

“Në emër të Listës Srpska dhe popullt serb të Kosovës shprehim ngushëllimet më të sinqerta familjeve të të rënëve, e të lënduarëve i dëshirojmë më të shpejtë.”

Këta janë pra serbët e Kryeministrit Edi Rama, që të vrasin, festojnë, dhe ulin flamurin në gjysmë shtizë duke shpallur ditë zie kur policia eliminon vrasësit!