Dje shprehu keqardhje për vrasjen e policit, sot Vuçiç takoi Ambasadorin rus dhe akuzon
Pas dështimit të djeshëm të aksionit terrorist serb pranë dhe në Manastirin e Banjskës për të shkaktuar një konflikt rajonal, e ku mbeti i vrarë një policë shqiptar dhe katër terroristë serbë, Presidenti i Serbisë, Aleksandar Vuçiç, doli para kombit por as për ta gënjyer nuk e gënjeu dot vetëm sa akuzoi Kryeministrin e Kosovës, Albin Kurti.
Por, sot, pasi takoi Ambasadorin e shtetit më mashtrues në botë, Rusisë, Vuçiçit iu hap goja dhe më në fund doli me një akuzë duke arsyetuar vrasjen e policit shqiptar, ndryshe nga dje kur u distancua.
“Një bisedë e rëndësishme me Ambasadorin e Federatës Ruse, Aleksandar Bocan Harčenko. E falënderoi që dëgjoi edhe kërkesat e palës serbe. E informova Bocan Harčenkon me faktin se në Kosovë po zbatohet spastrimi brutal etnik të cilin e organizon Albin Kurti me mbështetjen e bashkësisë ndërkombëtare,” tha Presidenti i Serbisë, Aleksandar Vuçiç, pas takimit që zhvilloi sot me Ambasadorin e Federatës Ruse, Aleksandar Bocan Harčenko.
Ndryshe, pas vrasjes së policit shqiptar, Afrim Bunjaku, nga terroristët serb, dje Presidenti i Serbisë, Aleksandar Vuçiç, dënoi sulmin dhe akuzoi serbët lokalë për vrasje ndërsa fajtor e shpalli Albin Kurtin për zemërimin që kishte shkaktuar tek këta kriminel.
