Djegia e mandateve/ Deputetët e PD firmosin dorëheqjen e parevokueshme
Pas vendimit të Këshillit Kombëtar për të votuar unanimisht djegien e mandateve, deputetët e Partisë Demokratike kanë nisur të firmosin deklaratat me anë të cilave heqin dorë vullnetarisht nga mandati në Parlament.
Deputetët si Orjola Pampuri, Enkelejd Alibeaj, Endri Hasa si dhe Ervin Salianji, ishin ndër të parët që firmosën me vullnet të lirë dorëheqjen e parevokueshme nga mandatet për tu pasuar me dorëheqejet e kolegëve të tyre .
Ndërkohë dorëheqjen e kanë dhënë edhe kandidatët që janë në listën e PD-së.
Ndryshe, në tekstin e dorëheqjes renditen arsyet pse deputetë e Partisë Demokratike kanë vendosur për këtë akt ekstrem.
Teksti i letrës:
Duke pasur parasysh gjendjen e emergjencës kombëtare, ku ndodhet vendi për shkak:
- Të asgjësimit të demokracisë funksionale dhe shtetit të së drejtës;
- Të kapjes së kësaj Qeverie në flagrancë duke vjedhur votat e qytetarëve shqiptarë, siç dëshmojnë edhe dosjet gjyqësore të publikuara nga mediat ndërkombëtare;
- Të kapjes së kësaj Qeverie në afera flagrante korruptive kriminale;
- Të eliminimit të parlamentit si një forum i demokracisë;
- Të paralizës së shtetit, shtypjes sistematike, dhunimit të të drejtave themelore të të njeriut dhe lirive të shqiptarëve duke përfshirë të drejtën e jetës, shëndetit dhe pronës;
Duke mbajtur në konsideratë se për këto shkaqe është krijuar një situatë e paprecedentë e krizës ekonomike, emigracionit masiv kombëtar dhe gjendjes katastrofale të mjerimit social;
Duke mbështetur plotësisht vendimin e Këshillit Kombëtar të Partisë Demokratike të Shqipërisë dhe zgjidhjen politike të ofruar nga opozita e bashkuar të një Qeveria tranzitore, të gatshme për të ndërmarrë të gjitha hapat e nevojshëm, që do të garantojnë zgjedhje të lira dhe të ndershme dhe zhbllokimin e procesit të integrimit europian të Shqipërisë, si dhe hapjen e negociatave me Bashkimin Europian, përmes zgjedhjeve të lira dhe të ndershme të parakohshme parlamentare;
