Djegia e mandateve/ Grupi i PS, “Realiteti Rama”: Në PD nuk ka konsensus…
“Nëse djegia e mandateve nuk është një tjetër ballo me maska e Lulzim Bashës, pra një çadër në formë bojkoti para zgjedhjeve të qershorit, do të jetë sidoqoftë e vështirë të realizohet konsensusi mes tyre. Dhe Lulzimi e di këtë por luan bllofin,” tha Edi Rama në Grupin Parlamentar të Partisë Socialiste duke u shitur sikur ka gjithçka nën kontroll ndërkohë përballë kishte deputetët e grupit më kriminal në historinë e Shqipërisë pluraliste.
Dhe pas gjashtë vjet qeverisje, kryeministri Edi Rama u kërkon deputetëve socialistë të ecin drejtë duke e përmirësuar çdo ditë qeverisjen, dhe duke u organizuar më mirë për zgjedhjet vendore pavarësisht nëse hynë apo jo në zgjedhje Opozita:
“Ne do të ecim drejtë, duke dëgjuar njerëzit, duke e përmirësuar çdo ditë qeverisjen, duke u organizuar më mirë se asnjëherë për zgjedhjet vendore. Hyjnë nuk hyjnë ata në zgjedhje, që unë them që do hyjnë pasi të bëjnë sikur nuk hyjnë deri në minutën e fundit, ne duhet të fitojmë jo thjesht votat e shumicës, po zemrat e besimin e edhe më shumë qytetarëve se sa herën e shkuar,” është shprehur Edi Rama para deputetëve socialistë edhe pse aspak I bindur në atë që po fliste ndërkohë që Grupi Parlamentar i PD po diskutonte djegien e mandateve, propozim ky I ardhur një ditë më parë nga kryetari i PD, Lulzim Basha. Ndërkohë që Partia Demokratike është në prag të brakstisjes së Parlamentit, Edi Rama vendosit të formoj një grup pune të drejtuar nga Ulsi Manja dhe ministrja e Drejtësisë, Etilda Gjonaj, për të propozuar, siç thuhet, sanksione të forta në rregulloren e Parlamentit për deputetët që përdorin dhunë të çdo forme apo fjalë të rënda në seancë. Vendim ky i çuditshëm, tashmë kur PD po bëhet gati të largohet dhe në Parlament ngelen vetëm kriminelët dhe sekserët e tyre.
