Dokumenti/ Deputeti kërcënon me vdekje Presidentin e Serbisë
Deputeti i Serbisë, Sllavisha Ristiç i ka dërguar letër Presidentit të Rusisë, Vladimir Putin, ku për Presidentin e Serbisë, Aleksandar Vuçiç thekson se në rast të përpjekjes për arritjen e një marrëveshjes me Prishtinën, do të përfundoj si kryeministri i vrarë serb Zoran Gjingjiç.
Në letër, Ristiç duke iu drejtuar Putinit si shpresa e vetme që Kosova nuk do të jetë kurrë një shtet i pranuar ndërkombëtarisht, i kujton se serbët “në historinë e marrëdhënieve ruso-serbe, i janë ankuar krerëve rus për armiq të shumtë serb”, dhe është hera e parë që këtë e bëjnë për shkak të pushtetarëve serb.
Ai thekson se Presidenti i Serbisë po përgatitet të firmos marrëveshjen paqësore gjithëpërfshirëse me Prishtinën dhe paralajmëron Vuçiçin, duke ju referuar “fatit tragjik të kryeministrit të ndjerë Zoran Gjingjiç”, se çfarë mund ti ndodhë.
“Shkaku kryesor për këtë bashkëpunim të tepruar të presidentit të Serbisë qëndron se ai këtë ia ka premtuar Perëndimit me rastin e ardhjes në pushtet. Fati tragjik i të ndjerit kryeministër Zoran Gjingjiç, paralajmëron qartë Aleksandar Vuçiçin se çfarë i ndodhë atyre që nuk plotësojnë premtimet,” theksohet në letrën e cila është publikuar në rrjetin social Facebbok, në faqen reporter.org.
Gati të gjitha mediat pro regjimit në Serbi theksojnë rusofilizmin e Aleksadar Vuçiçit, thekson Ristiç në letrën drejtuar Putinit, dhe Vuçiç mburret që deri më tani është takuar me presidentin rus plotë 13 herë.
Ristiç i cili letrën e ka firmosur si kryetar i organizatës Lëvizja Popullore e Serbëve të Kosovë e Metohisë ”Atdheu”, e pranon se misioni i Putinit pranë pushtetit aktual në Beograd është delikat, por gjithsesi i bënë thirrje që ti sqaroj se kurrfarë eurointegrimi nuk mund ta kompensoj humbjen e territorit, siç është Kosova, dhe, sikur edhe të arrihet marrëveshja për normalizimin e marrëdhënieve, Putin të mos e mbështes një zgjidhje të tillë.
Ndryshe, kjo letër përveç se ka tronditur aleatët e Vuçiçit në Beograd, për sjelljen e një deputeti i cili është pjesë e Parlamentit të Serbisë, ajo është rezultat i politikës së Vladimir Putinit në Ballkan, me afrimin që i bënë liderëve lokal. Në përpjekje për të rusofilizuar popullatën serbe në Bosnje Hercegovinë dhe Kosovë, ai këta lider katundesh i ka shndërruar në figura që mbështeten nga Moska zyrtare dhe i japin të drejtën vetes të kërcënojnë edhe Presidentin e shtetit të tyre amë, Serbisë. Milorad Dodik dhe Sllavisha Ristiç janë vetëm fillimi. Ditë të zeza për Serbinë, Aleksandar Vuçiçin pse jo dhe Vladimir Putinin, po vijnë!
