Dokumenti/ Edhe një kryebashkiak kriminel, PD: Qerim Ismailaj i Mallakastrës…
Edhe një kryebashkiak i Edi Ramës na del me të kaluar kriminale. Pas Shkodrës, Vorës dhe Vaut të Dejës, Partia Demokratike sjell dëshmi për Kryetarin e Bashkisë, Qerim Ismailajn e Mallakstrës, se është dënuar dhe dëbuar nga Greqia.
Në kërkesën drejtuar Prokurorisë së Përgjithshme, Partia Demokratike thekson se Qerim Ismailaj ndodhet në kushtet e ndalimit për të kandiduar dhe për t’u zgjedhur në një funksion të lartë publik, për shkak se dyshohet se ka qenë i arrestuar/ndaluar në Greqi dhe se në periudhën 1999-2000 ndaj tij është marrë masa e dënimit dhe dëbimit nga autoritetet përgjegjëse greke.
Informacionet e Partisë Demokratike tregojnë se Qerim Ismailaj ka falsifikuar formularin e dekriminalizimit, për shkak se “pyetjeve nëse është ndaluar apo arrestuar ndonjëherë nga organet ligjzbatuese për kryerjen e një vepre penale, nëse është dënuar ndonjëherë nga autoritetet gjyqësore të huaja apo nëse ndaj tij është marrë ndonjëherë masa e dëbimit nga një shtet i huaj, rezulton se i është përgjigjur me JO” – theksohet në shkresën drejtuar Prokurorisë së Përgjithshme e në dijeni Ambasadës së SHBA në Tiranë, Deleacionit të BE dhe Ambasadave të shteteve antëtare të, Prezencë së OSBEdhe Zyrës së KE, e sigluar nga Sekretari i Përgjithshëm i Partisë Demokratike, Gazment Bardhi.
Sipas ligjit të dekriminalizimit, thekson Sekretari i Përgjithshëm i PD, pasqyrimi i të dhënave të pasakta dhe të pavërteta në Formularin e Vetëdeklarimit, përbën vepër penale dhe passjell skualifikimin e menjëhershëm të subjektit nga kandidimi apo ushtrimi i mëtejshëm i funkisonit publik.
“Në këtë rast, sjell largimin e menjëhershëm nga detyra të Kryebashkiakut të Mallakastrës dhe ndjekjen e tij penale.”
Partia Demokratike e Shqipërisë, nisur nga interesi i lartë publik që paraqet kjo çështje, i kërkon Prokurorisë së Përgjithshme një verifikim dhe reagim institucional të shpejtë, me synim që të arrihet qëllimi kryesor që ka ligji i dekriminalizimit, te largojë personat me te kaluar kriminale të marrin vendime për qytetarët apo të ndikojnë në zgjedhje.
