Dokumenti/ Greqia konfirmon akuzat, PD: Të arrestohet Agim Kajmaku!
Gjykata e Janinës konfirmoi denoncimin e Partisë Demokratike për Agim Kajmakun se ishte në kërkim nga drejtësia greke, pasi është arrestuar në Janar 2003 me emrin Jorgo Toto. Pra, ai e ka fshehur këtë fakt në formularin e dekriminalizimit.
“Seancat gjyqësore për Jorgo Toton e Bashkisë së Vorës, të zhvilluara në Janinë për 4 ditë, u japin fund zvarritjeve të prokurorisë për zbulimin e identitetit të kandidatit të Edi Ramës. Megjithëse i dha kohë të sigurojë që nuk futet në burg në Greqi duke mbyllur çëshjtjen atje, Agim Kajmaku ka punë me ligjin shqiptar.”
Vendimi, thekson Partia Demokratike, konfirmon se Agim Kajmaku alias Jorgo Toto ka qenë me proces penal të hapur në Greqi dhe me urdhër arresti në fuqi, ashtu sikurse PD denoncoi.
“Vendimi konfirmon se Agim Kajmakut, alias Jorgo Toto, nuk i lejohej nga ligji i dekriminalizimit të kandidonte për kryetar bashkie
Vendimi konfirmon se Agim Kajmaku, alias Jorgo Toto ka gënjyer në Formularin e Dekriminalzimit, duke kryer veprën penale të fallsifikimit të dokumenteve.”
Pra, Agim Kajmaku ka fshehur arrestimin në Greqi me emrin Jorgo Toto, konstaton Partia Demokratike bazuar në konfirmin nga Gjykata e Janinës duke përfunduar:
“Për këtë duhet të shkarkohet nga detyra dhe t’i vihen menjeherë prangat për shkeljen flagrante të ligjit të dekriminalizimit dhe mashtrimin e qytetarëve shqiptarë.”
