Dokumenti / Komisioni i Ligjeve miraton propozimet e llumit opozitar!
Komisioni i Ligjeve dhe Këshilli i Legjislacionit pranë Parlamentit të Shqipërisë, përkundër paralajmërimeve që erdhën nga SHBA, Bashkimi Evropian dhe Gjermania si kryesuese e radhës së BE, kanë hedhur poshtë tashmë edhe zyrtarisht Marrëveshjen e 5 Qershorit duke miratuar nismën e Edi Ramës për ndryshimet kushtetuese e cila u depozitua në Parlament nga llumi opozitar.
Ndonëse nuk është e qartë pse i gjithë ky spektakël pasi këto çështje ishin diskutuar në Këshillin Politik të Reformës Zgjedhore dhe ishin futur në Marrëveshjen e 5 Qershorit ku garant me rastine firmosjes ishte SHBA, gjithsesi, pasi kjo Marrëveshje u bë nul, Komisioni i Ligjeve dhe Këshilli i Legjislacionit miratuan Nenet 1 dhe 2 që ndryshojnë Nenet 64 dhe 68 lidhur me listat e hapura dhe koalicionet, dhe tashmë pritet që me me 30 Korrik Parlamenti ta votojë si Projektligj me 94 vota, vota të cilat Edi Rama vazhdoj ti përdorë me ndihmën e llumit opozitar për të miratuar të gjitha ndryshimet kriminale të Ligjeve dhe miratimin e Akteve Normative.
Jashtë këtyre ndryshimeve kushtetuese ka mbetur përqindja dhe detajet e pragut zgjedhor, detaje të cilit u tha se do rregullohen brenda Kodit Zgjedhor.
Llumi opozitar shumë shpejtë ndryshoi qëndrim dhe nga pragu 5%, kërkoi prag kombëtar 2%, dhe ai dje mbeti pa përgjigje. Por, sot, llumi mori garanci nga mazhoranca se pragu do jetë natyral në çdo qark të Shqipërisë ndërsa me votimin e sotëm të hapjes së listave u krijua ideja se do të pamundësohen koalicionet parazgjedhore.
Ja si ndryshojnë dy nenet në Kushtetutë:
TABELA E PROJEKTLIGJIT “PËR DISA NDRYSHIME NË LIGJIN NR. 8417, DATË 21.10.1998 “KUSHTETUTA E REPUBLIKËS SË SHQIPËRISË”, TË NDRYSHUAR
Kështu, Marrëveshja e 5 Qershorit e cila u firmos nga Damian Gjiknuri në emër të Partisë Socialiste, dhe Rudina Hajdari në emër të llumit opozitar, dhe sot është nul, kishte trajtuar këto çështje dhe nuk ishinpara shikuar që të mos futen në Kod Zgjedhor për zgjedhjet e ardhshme. Këtë propozim, përveç OSBE-së që e kishte sygjeruar e kishin miratuar SHBA dhe BE.
Ndryshe, Opozita e Bashkuar, pavarësisht ekzaltimit të llumit opozitar, ka paralajmëruar se nuk i njeh këto këto ndryshime kushtetuese por vetëm Marrëveshjen e 5 Qershorit.
