Dokumenti/ Letra që George H.W Bush i kishte dërguar Millosheviçit për Kosovën

Presidenti George H.W Bush i cili ndërroi jetë sot në moshën 94 vjeçare do të mbahet në mend ndër shqiptarë për kontriburin e tij pë lirinë dhe pavarësinë e Kosovës, në veçanti me mesazhin që i dha kriminelit Sllobodan Millosheviç në prag të krishtlindjeve të vitit 1992 kur po planifikonte të hapte front lufte edhe me Kosovën ndërkohë që po luftonte me forcat e tij kriminale në Kroaci dhe Bosnje.

E përditshmja amerikane New York Times në numrin e saj të datës 28 Dhjetor 1992 tregon se çfarë i kishte thënë krerëve serb Presidenti Goerge H.W Bush një javë më parë, kur tashmë ishte e qartë se fajtorë për luftën në Ballkan ishte Sllobodan Millosheviç:

Presidenti Bush ka paralajmëruar krerët serbë se Shtetet e Bashkuara janë të gatshme të përdorin forcën ushtarake nëse zgjerojnë luftën ballkanike në një krahinë serbe të banuar kryesisht nga shqiptarët etnikë, thanë sot diplomatët.

Si pjesë e një përpjekjeje të Administratës Bush për të ushtruar presion mbi autoritetet serbe, të cilët janë fajësuar gjerësisht për luftën në Ballkan, paralajmërimi u përcoll me gojë dhe me shkrim javën e kaluar në Beograd dhe iu drejtua Presidentit të Serbisë, Sllobodan Millosheviç, dhe komandantit të Ushtrisë Jugosllave, Gjeneralit Zhivota Paniç, thanë diplomatët këtu.

Në rast të konfliktit në Kosovë të shkaktuar nga veprimi serb, Shtetet e Bashkuara do të jenë të përgatitur të përdorin forcën ushtarake kundër serbëve në Kosovë dhe në Serbi”, thuhet në dokument.

Frika nga Lufta e Madhe

Ndërsa tensionet janë rritur në Kosovë, një krahinë e dikurshme autonome ku shqiptarët etnik përbëjnë 90 përqind të popullsisë, shumë diplomatë kanë frikë se lufta në ish-Jugosllavi mund të përhapet atje dhe të tërhiqet në vende të tjera në rajon, thekson ndër të tjera New York Times në shkrimin të cilin po e publikojmë të plotë në origjinal:

Per ta lexuar, kliko këtu: BUSH WARNS SERBS NOT TO WIDEN WAR