Dokumenti/ Ministri i Brendshëm: Jeta e Lulzim Bashës në rrezik! Reagon PD…

Që jeta e liderit të opozitës është e kërcënuar në një vend që drejtohet nga krimi, nuk është lajm, por, kur këtë konstatim e bënë Ministri i Brendshëm në një komunikim me truprojen e Lulzim Bashës, pa i komunikuar fare këtij të fundit në rrugë zyrtare, kjo është pastaj shqetësuese.

Këtë shqetësim e ka ngritur edhe Sekretari i Përgjithshëm i PD, Gazment Bardhi, pas takimit që kishte zhvilluar Ministri i Brendshëm, Sandër Lleshaj me punonjësin e Gardës së Republikës, Feim Dollapaj, me detyrë shoqërues i Kryetarit të PD, Lulzim Basha.

Në këtë takim Ish-Gjeneral Sandër Lleshaj është shprehur se “ka informacione të tërthorta dhe të besueshme si Ministër i Brendshëm, mbi rrezikun që i kanoset sigurisë së Kryetarit të Opozitës zotit Basha” dhe se pret përgjigje verbale nëse Z.Basha “vlerëson se kërkon masa sigurie shtesë”.

Për shkak të mospërfilljes së rrugës institucionale për një çshtje kaq të ndjeshme, për shkak të detyrimit për sqarimin e mënyrës së marrjes së këtyre informacioneve që kërcënojnë Kryetarin e Opozitës, Partia Demokratike kërkon që të informohet zyrtarisht ndryshe veprimin e Ministrit të Brendshëm e konsideron shantazh për qëllime politike dhe ai do të mbajë përgjegjësi për këtë veprim