Dokumenti/ Nuk është më “Sekret shtetëror”, publikohen karakteristikat e Putinit nga Dosja e KGB

Arkivi Qendror i dokumenteve historiko-politike në Shën Petersbug ka bërë publike dokumentet e sigluara “Sekret Shtetëror” nga karakteristikat e zyrtarëve të lartë të këtij qyteti dhe gjithë Rusisë duke përfshirë këtu edhe karakteristikat e Vladimir Putinit nga dokumentet e kuadrit të KGB-së famëkeqe, ku presidenti aktual rus ka shërbyer.

Dokumentin e ka bërë publik televizioni lokal në Shën Petersburg TV kanal 78.

Vladimir Putin ka punuar në shërbimin sekret nga viti 1975. Sipas këtij dokumenti, ai është treguar “nëpunës i përkushtuar, disiplinuar dhe i përgjegjshëm”.

Në karakteristika theksohet se Putin “ vazhdimisht e ngritë nivelin e tij ideopolitik”, merret me shkollim partiak dhe ngritjen e nivelit të aftësisë profesionale.

Deri sa ka punuar në KGB, shefi i shtetit rus, sipas këtij dokumenti të publikuar, është veçuar me “stabilitet moral” dhe ka gëzuar autoritet ndër kolegë.

Përveç kësaj, në karakteristikat personale theksohet se presidenti rus në kohën e lirë merret me sport, se është mjeshtër i sportit në BRSS, në judo dhe sambo, dhe se në vitin 1976 ishte kampion në Leningrad.   

Ekspozita e dokumenteve është organizuar me rastin e 90 vjetorit të Arkivit Qendror e cila do të festohet më 13 Shkurt. Ekspozita do të jetë e hapur deri më 20 Dhjetor. Dokumentet do të publikohen edhe në formë elektronike dhe do të ekspozohen në stenda mobile në parkun historik “Rusia – historia ime”. Vladimir Putin është pranuar në KGB sapo përfundoi Fakultetin Juridik në Universitetin shtetëror të Leningradit më 1979, mbaroi dhe kursin gjashtëmujor të parakualifikimit në Shkollën e Lartë të KGB-së në Moskë, dhe më pas u kthye Leningrad. Nga viti1985 për pesë vjet ka punuar në Gjermani, në sektorin e shërbimit sekret të jashtëm, dhe kur u kthye më 1991 thuhet se dha dorëheqje.