Dokumenti/ Shkollimi i Belind Këlliçit, “Harry Fultz” sqaron kriminelët socialistë
E lanë pa vulën e partisë, i emëruan Kryetarin Nënkryetar, koalicionit i urdhëruan ta heq emrin e drejtuesit Sali Berisha, dhe filluan me artilerinë e shpifijeve se kandidati i koalicionit “Bashkë Fitojmë”, Belind Këlliçi nuk ka të kryer shkollën e mesme! Dhe, ndonëse Drejtorja e Shkollës “Harry Fultz”, Brikena Baxhaku, sqaroi këtë kastë kriminale që vazhdon e shpif, që më 16 Janar 2023, se Këlliçi e ka kryer këtë shkollë me notë mesatare 9.7, shpifja kishte ngjitur tek elektorati i tyre që është shumë më kriminal se partia por nuk ka nuhatur atë që kishte konstatuar Kryesia e PS, humbjen e kandidatit të Partisë Socialiste, Erion Veliaj më 14 maj, dhe, gënjeshtra vazhdoi.
Po çfarë thotë përgjigja e Drejtores së Shkollës “Harry Fultz”, Brikena Baxhaku, drejtuar Partisë Socialiste dhe përfaqësuesit të saj ligjor, Plarent Ndreca
“Z. Këlliçi është regjistruar në shkollën tonë në klasën e nëntë në shtator 2001, mbasi u rendit në listën fituese në konkursin e pranimit për vitin shkollor 2001-2002. Z.Këlliçi ka kryetar katër vite studimi të ciklit 5 vjeçar të studimeve pranë shkollës sonë, në drejtimin “Biznes”i regjistruar me nr. Amze 457. Gjatë këtyre viteve ai ka një vlerësim me notë mesatare 9.7 i klasifikuar në 5% të studentëve më të mirë të periudhës përkatëse,” sqaron Drejtorja e Shkollës “Harry Fultz” duke shtuar se në përfundim të klasës së 12-të, me kërkesë të tij për studime të mëtejshme në SHBA ai pajiset nga shkolla me dokumente të mëposhtme:
-Raportin Shkolor “School Raport” me rezultatet përkatëse për katër vite;
-Skelet kurrikul 2001-2005 dhe programet mësimore të detajuara për çdo lëndë;
-Vërtetim (TIP) i cili sqaron në lidhje me zhvillimin në Gjuhën Angleze të 70% të teksteve dhe programeve mësimore,” thuhet në përgjigje drejtuar Partisë Socialiste dhe shpifësit dezhurn që titullohet Përfaqësues Ligjor por që ende vazhdon e akuzon në studio televizive se Belind Këlliçi nuk e ka diplomën e shkollës mesme.
“Për dijeninë tuaj kjo praktikë është ndjekur në shkollën tonë nga shumë nxënës të dalluar të periudhës 1997-2005, të cilët pas 12 viteve shkollimi në Shqipëri kanë ndjekur studimet e mëtejshme në SHBA, Mbretëri të Bashkuar dhe Republikën Çeke për motivimin e pajtueshmërisë kurrikulare dhe të krediteve përkatëse,” sqaron Drejtorja e Shkollës Brikena Baxhaku duke i vënë në dispozicion edhe arkivat e shkollës “Harry Fultz” për të gjithë ata që vazhdojnë dhe dyshojnë, që në këtë rast nuk janë ata që akuzojnë, socialistët, sepse ata dinë vetëm të shpifin!
Dhe, nuk dënjojnë as të kërkojnë falje por vazhdojnë e shpifin edhe pse kanë kaluar 3 muaj që janë sqaruar për të vërtetën nga Drejtorja e Shkollës “Harry Fultz”, Brikena Baxhaku.
