Dollari vazhdon rritjen, bie çmimi naftës

Në tregun valutor ka vazhduar edhe sot rritja e vlerës së Dollarit amerikan!

Indeksi i Dollarit, i cili tregon vlerën e valutës amerikane ndaj gjashtë valutave tjera më të rëndësishme në botë, ka arritur mëngjesin e sotëm 106.69 pikë, nivel ky më i larti brenda një viti, deri sa dje ishte 106.01 pikë.

Ndaj valutës japoneze, dollari u rrit nga 154.85 në 156.02 Jen. Ndaj asaj europian Euro, ra në nivelin më të ulët deri sa dje ishte 1.0595 dollar.

Ndërkohë çmimi i naftës në tregun londinez ka ra mëngjesin e sotëm me 0.59 për qind, në 71.85 dollar, ndërsa në tregun amerikan bareli ra me 0.67 për qind, në 67.95 dollar.

Rënie në bursat aziatike për të katërtën ditë me radhë

Në shumicën e bursave aziatike çmimi i aksioneve ka pësuar rënie edhe sot, ditën e katërt me radhë, sepse shpërthyen shpresat se tregu kinez i pasurive të patundshme sërish do ta marrë veten, dhe, se investitorët kanë frikë nga konflikti i ri tregtar në mes të Shteteve të Bashkuara dhe Kinës.

Indeksi aziatik MSCI në orën 7.00 ishte në minus 0.3 për qind, duke pësouar rënie për të tretën ditë me radhë.

Deri sa në bursën e Tokios indeksi Nikkei ra me 0.2 për qind, ndërsa çmimet e aksioneve në Shangai dhe Hong Kong pësuan rënie nga 0.8 deri 1.4 për qind. Në Korenë e Jugut dhe Australi çmimet e aksioneve janë rritur nga 0.1 deri 0.4 për qind.

Ndërsa bursat kineze janë nën presionin e frikës nga politika e paralajmëruar e presidentit të të SHBA, Donald Trump, në Wall Street indeksat e bursës kanë ngelur thuajse të pandryshuar.

Në fokus të investitorëve ishin të dhënat e inflacionit në SHBA për muajin Tetor. Çmimet e shportës u forcuan për 0.2 për qind në nivel mujor, deri sa në nivel vjetor çmimet u rritën 2.6 për qind.

Në treg pritet që Fed në muajin dhjetor do të ulë normat e interesit për herë të tretë benda këtij viti, me 0.25 për qind.