Donte kompetencat e kryeministrit, Vjosa Osmani: Thaçi të sqaroj pozicionin e tij për korrigjim të kufijve!

Pas mbledhjes së Kryesisë së Parlamentit të Kosovës, Kryetarja Vjosa Osmani, tha se presidenti Hashim Thaçi, donte të merrte kompetencat e qeverisë dhe kryeministrit, por fillimisht duhet të sqaroj dhe njëherë pozicionin e tij karshi ndarjes apo korrigjimit të kufirit të Kosovës.

“Në vend se të dojë të marrë kompetencat e qeverisë, presidenti i vendit duhet të përcaktohet njëherë e mirë për gjërat substanciale, që i garanton qytetarët e e Kosovës se ka hequr dorë nga ideja e tij dhe Vuçiçit për korrigjim të kufijve, sepse herën e fundit në uebfaqen  e poresidentit, kemi parë që ende e ka op/edin e tij në lidhje me atë se Presidentët dhe Kryeministrat mund të ndërrohen, por se korrgjimi i kufijve duhet të ndodh,” tha Vjosa Osmani ndërsa bëri të ditur se të enjten do të zhvillohet seanca e radhës plenare, ku do të procedohen shumë Projektligje të mbetura pezull.

“Ju njoftoj se sot mbajtëm mbledhjen e radhës ku ndër të tjera u pajtuam që të mbajmë seancë të rregullt këtë të enjte, ku do të shqyrtohen një sërë vendimesh e projektligje. Vendimi i parë ka të bëjë me tejkalimin e lejuar sipas ligjit për menaxhimin e financave publike, që krijon një bazë të nevojshme ligjore sa i përket menaxhimit të pandemisë nga aspekti ekonomik. Kurse të tjerat kanë të bëjnë me marrëveshjet ndërkombëtare,  pra Projektligje që prej një kohe po presin në Kuvend. Tanimë kemi arritur që të gjitha të procedohen në seancë dhe pas trajtimit në Komision të enjten do të shqyrtohen pasi të gjitha janë marrëveshje ndërkombëtare që kanë të bëjnë me mbrojtjen apo ndihmën në raport me qytetarët tanë”, tha Vjosa Osmani duke shtuar se ka një sërë marrëveshjesh të tjera që beson se do të procedohen së shpejti në Parlament, pasi në veçanti kanë të bëjnë me Bankën Botërore që do të ndihmonin në menaxhimin e pandemisë dhe kërkojnë trajtim sa më të shpejtë.