“Dorëheqja e Gjiknurit”/ Reagimi, PD: Vendin e ka në burg!

Pas “reflektimit” të kriminelit më të madh elektoral shqiptar, Damian Gjiknuri, se ishte i gatshëm të jap dorëheqje nga posti i Bashkëkryetarit të Komisionit të Posaçëm të Reformës Zgjedhore siç e kishte kërkuar opozita vetëm që vazhdohet me Reformën, ka reaguar Partia Demokratike përmes Sekretarit të Përgjithshëm, Gazment Bardhi, duke sqaruar se nuk është kërkesë e opozitës por është standard evropian ndërsa ai duhet të shkojë në burg.

“Damian Gjiknuri dhe gjithë ata që kanë bashkëpunuar me krimin e organizuar për të shkatërruar zgjedhjet dhe për të vjedhur votat, nuk duhet të jetë me zgjedhje për të dhënë apo jo dorëheqjen nga Komisioni, por duhet të ndiqen penalisht dhe të shkojë në burg për kryerjen e krimeve zgjedhore.”

Dhe jo vetëm kaq! Gazment Bardhi duke sqaruar se nuk bëhet fjalë vetëm për një kërkesë të opozitës por është një nga kushtet e Bashkimit Europian për hapjen e negociatave.

“Të gjithë ata, përfshirë Damian Gjiknurin dhe gjithë pjesën tjetër të anëtarëve të Komisionit, që janë pjesë e dosjeve “184” dhe “339” nuk duhet të jenë në komisionin për reformën zgjedhore, por do të duhet të jenë në burg dhe të proceduar penalisht për të gjitha krimet zgjedhore që kanë kryer.”

Ndryshe, “reflektimi” i Damian Gjiknurit erdhi pas deklaratë së Kryetarit të Partisë Demokratike, Lulzim Basha, për ftesën që Gjiknuri i kishte dërguar në emër të OSBE-së e pasuar me ftesën publike të Edi Ramë, për uljen në një tryezë të përbashkët për realizimin e Reformës Zgjedhore:

“S’mund të fshihemi pas letrave, flet-rrufeve publike apo kërkesave të pa sinqerta. Apo provokimeve të rënda sic ai i ftesës nga Damian Gjiknuri i dyshuari kryesor i dosjes 184. Pranimi i situatës në vend, i paligjshmërisë dhe bashkëpunimit të kësaj qeverie me krimin mund të vendosë bazën për daljen nga kriza dhe një reforme zgjedhore bashkë me një reformë politike.”