“Dorëheqja e Lulzim Bashës”, Ambasada SHBA: Shpresojmë që PD të ecë drejt së ardhmes!

“Vendimi i marrë nga Lulzim Basha sot për t’u dorëhequr si Kryetar i Partisë Demokratike meriton respekt,” thekson Ambasada e SHBA në Tiranë duke vlerësuar aktin e dorëheqjes së Lulzim Bashës duke shtuar se vënia e interesave të partisë dhe të vendit mbi ato personale është shenjë e udhëheqësisë së vërtetë.

“Shpresojmë që vendimi do të përcaktojë rrugën që Partia Demokratike të ecë përpara drejt së ardhmes; do të forcojë marrëdhënien e veçantë të Shqipërisë me Shtetet e Bashkuara; do të përforcojë mbështetjen për reformat dhe përpjekjet e tjera për qëllimin e Shqipërisë për t’iu bashkuar Bashkimit Europian; dhe do të ritheksojë parimet dhe idealet demokratike mbi të cilat u themelua,” thekson Ambasada e SHBA në Tiranë duke shtuar se një opozitë e fortë që mund të jetë e gatshme për të udhëhequr është thelbësore për demokracinë.

Ndryshe, pasi e la Partinë Demokratike pa parti, pasi denigroi çdo anëtar të PD, pasi i dhuroi demokratëve shkopa bejzbolli dhe gaz lotësjellës të marrë hua nga Edi Rama, pasi u shkarkua nga posti i Kryetarit në Kuvendin e 11 Dhjetorit, sot Lulzim Basha dha dorëheqjen.

Deklaratë:

Vendimi i marrë nga Lulzim Basha sot për t’u dorëhequr si Kryetar i Partisë Demokratike meriton respekt. Vënia e interesave të partisë dhe të vendit mbi ato personale është shenjë e udhëheqësisë së vërtetë.

Shpresojmë që vendimi do të përcaktojë rrugën që Partia Demokratike të ecë përpara drejt së ardhmes; do të forcojë marrëdhënien e veçantë të Shqipërisë me Shtetet e Bashkuara; do të përforcojë mbështetjen për reformat dhe përpjekjet e tjera për qëllimin e Shqipërisë për t’iu bashkuar Bashkimit Europian; dhe do të ritheksojë parimet dhe idealet demokratike mbi të cilat u themelua.

Një opozitë e fortë që mund të jetë e gatshme për të udhëhequr është thelbësore për demokracinë.

Mbështetja e Shteteve të Bashkuara për demokracinë dhe përkushtimi për të luftuar korrupsionin dhe pandëshkueshmërinë mbeten të pandryshuara.