“Dorëheqja e Qatos”/ Nesër prova, PD: Skandali që e detyroi të largohet!

Pas dorëheqjes së Drejtores së ARRSH, Sonila Qato, ka reaguar Partia Demokratike përmes Ish-Deputetes Jorida Tabaku, duke e konsideruar si një përpjekje për të mbuluar një vjedhje të madhe një orë para vendimit të Saimir Tahirit, por që në fakt kemi të bëjmë me një dorëheqje të firmosur dje por që PD do të sjellë nesër prova për skandalin që detyroi Sonila Qaton të largohet.

“Me parimin një vjedhje të madhe mbuloje me një zhurmë më të madhe, Edi Rama, largoi nga detyra drejtorëshën e Agjencisë së Rrugëve, Sonila Qato 1 orë përpara se gjykata të marrë vendimin për Saimir Tahirin. Një dorëheqje që ka qenë gati që dje e firmosur!”

Asgjë nuk do të harrohet, thekson Jorida Tabaku përmes rrjetit social Facebook duke garantuar se çdo aferë korruptive do t’i bëhet e njohur publikut ndërsa përfundon:

“Partia Demokratike do të sjellë që nesër prova për skandalin që detyroi Sonila Qaton të largohet.”

Ja statusi i plotë:

Me parimin një vjedhje të madhe mbuloje me një zhurmë më të madhe, Edi Rama, largoi nga detyra drejtorëshën e Agjencisë së Rrugëve, Sonila Qato 1 orë përpara se gjykata të marrë vendimin për Saimir Tahirin. Nje doreheqje qe ka qene gati qe dje e firmosur!

Edi Rama po përpiqet të mbulojë luftën e egër që ka plasur mes grupeve në PS me shpresën se gjyqi i Tahirit do të bëjë të harrohet skandali i Sonila Qatos, I Belinda Ballukut dhe I kompanive me të cilat, Rama, bashke me to, vjedh shqiptarët!

Asgjë nuk do të harrohet! Çdo aferë korruptive do t’i bëhet e njohur publikut!

Partia Demokratike do të sjellë që nesër prova për skandalin që detyroi Sonila Qaton të largohet.