“Dorëheqja Bashës”, Komisioni Rithemelimit: Mundësi e mirë për të bashkuar demokratët!
Dorëheqja e Kryetarit të shkarkuar të PD, Lulzim Basha, për Komisionin e Rithemelimit të Partisë Demokratike është një mundësi e mirë për të bashkuar demokratët përmes institucionit të votës së lirë.
Në reagimin e tij, Komisioni i Rithemelimit i përgjigjet edhe deklaratës së lexuar nga Kryetari i Grupit Parlamentar të PD, Enkelejd Alibeaj, ndonëse u kontestua edhe nga Grupi, ku deputetit të pezulluar Sali Berisha i kërkohet të tërhiqet, se tani nuk është koha për të nxjerrë “ultimatume” apo deklarata të pavotuara nga të emëruarit e të shkarkuarve ndërsa përfundon:
“Tani nuk është koha për thellimin e përçarjes, por për fillimin e një procesi të hapur, të sinqertë dhe përbashkues i cili sigurisht kalon vetëm përmes votës së lirë të demokratëve!”
Ndryshe, pas dorëheqjes së Kryetarit të shkarkuar të PD, Lulzim Basha, kur u mendua se u hap dera e zgjidhjes së problemit, Grupi Parlamentar nuk po arrinte të miratonte një Deklaratë sepse deputetët normal të kësaj partie nuk ishin dakord me Pikën 2. ku i kërkohej deputetit të pezulluar Sali Berisha që të tërhiqet ashtu siç bëri lideri i Bardhit dhe Alibeajt.
Gjithsesi, deklarata u lexua, me, siç u tha, ca korigjime të Pikës 2. ndonëse thelbi ngeli, dhe sot askush nuk mund të thotë se nuk i shërben njeriu. Po, kjo çmenduri do të vlejë në analet politike si precedent se si nuk duhet të shkruhet një deklaratë:
“Grupi Parlamentar i PPD i bën thirrje anëtarëve të pezulluar të Grupit Parlamentar që të ofrojnë të njëjtin mekanizëm për tërheqjen e zotit Berisha, i cili duhet të distancohet nga vendimmarrja në PD, duke u bërë kështu pjesë e zgjidhjes për të shmangur përçarjen e PD dhe për të bërë të mundur bashkimin mes demokratëve. Në këtë rast kërkojmë respektimin e vlerave dhe parimeve statutore të PD, me qëllim shmangien e pasojave të deklaruara publikisht nga SHBA.”
Deklaratë:
Akti i fundit i Lulzim Bashes, i shkarkuar me voten 4446 delegateve ne Kuvendin historik te Partise Demokratike te dates 11 dhjetor 2021, dhe me voten e 44 mije anetareve te PD-se ne referendumin e 18 dhjetorit, shenon largimin e tij te zvarritur pa fund, pa asnjë lloj argumentimi dhe asnje marrje pergjegjesie.
Me gjithe kete, kjo eshte një mundesi e mire per te bashkuar demokratet permes institucionit te votes se lire.
Tani nuk eshte koha per te nxjerre “ultimatume” apo deklarata te pavotuara nga te emeruarit e te shkarkuarve.
Te emeruarit e vules, te shkarkuar nga kuvendi historik i 11 dhjetorit 2021, po kerkojne te luajne me bllofin duke besuar se mund te mbajne peng simbolet e PD-se e duke vene kushte sipas filozofise se te dorehequrit apo nga të emeruarit e tij ne PD-ne e Vules.
Tani nuk eshte koha per thellimin e perçarjes, por per fillimin e nje procesi te hapur, te sinqerte dhe perbashkues i cili sigurisht kalon vetem permes votes se lire te demokrateve!
