Dorëhiqet Zef Gjoka, Agron Gjekmarkaj emërohet kreu i PD në Lezhë

Dorëhiqet kryetari i Partisë Demokratike Dega Lezhë, Zef Gjoka.

Zef Gjoka e ka paraqitur dorëheqjen pranë selisë Partisë Demokratike në Tiranë ndërsa nuk dihen ende arsyet e vendimit të tij.

Pas largimit të Gjokës, mësohet se drejtues i ri i përkohshëm i Degës PD Lezhë është emëruar, Agron Gjekmarkaj që kohë më parë ka zëvendësuar drejtuesin politik të PD në këtë Qark, Mark Marku i cili gjithashtu është dorëhequr.

Ndryshe, Zef Gjoka u zgjodh Kryetar i Partisë Demokratike Dega Lezhë në vitin 2018 ndërsa deputet i PD ishte në legjislaturën 2001-2004.