“Dorëzimi i mandateve”/ BE, Kocijançiç: Nuk mund ta bëjë Opozita në Shqipëri; Në Bullgari s’di…

Ashtu siç mund të bëjë çdo gjë Serbia por jo edhe Kosova, tashmë për Brukselin zyrtar këtë mund ta bëjë edhe Bullgaria por jo edhe Shqipëria. Këtë e konfirmoi Zëdhënësja e Përfaqësueses së Lartë për Politikë të Jashtme dhe Siguri pranë BE, Maja Kocijançiç ndërsa foli për lëvizjen e fundit të Opozitës në Shqipëri me dorëzimin e mandateve:

“Kur bëhet fjalë për dorëzimin e mandateve, vendimi i opozitës dëmton funksionimin e demokracisë. Parlamenti është vendi ku diskutohet dhe jo bojkotohet. Këto vendime janë joproduktive dhe shkojnë kundër BE-së, vendim që qytetarët kanë marrë dhe kundër aspiratës për anëtarësimin në BE. Të gjithë anëtarët e parlamentit duhet të vijojnë të shërbejnë në parlament dhe të evitojnë aktet e dhunës. Në këtë drejtim, qëndimi i Brukselit mbetet që opozita dhe qeveria duhet të angazhohen në negociata për të mirën e vendit e kjo është një deklaratë që vazhdon të mbetet në fuqi,” tha Kocijançiç duke iu përgjigjur pyetjes së gazetares shqiptare, Erisa Zykaj, por nga kjo konferencë për shtyp, shqiptarët morrën një mesazh të çuditshëm nga Brukseli zyrtar.

Lënia e mandatit nga deputetët e opozitës në Shqipëri dëmton funksionimin demokracinë, thekson Zëdhënësja e BE, Maja Kocijançiç dhe në pamje të parë tregon dashamirësi nga Bashkimi Eropian për shtetit shqiptar. Por e pyetur nga një gazetar serb, nëse të njejtën gjë mund ta thotë edhe për Bullgarinë ku opozita bëri të njejtën gjë, zëri i Brukselit zyrtar nuk i dha përgjigje vetëm opozitës shqiptare:

“Unë kam privilegjin që të flas për politikën e jashtme, por nuk e ndjej se jam në situatën për të folur për gjendjen në Bullgari!” tha Zëdhënsja e Politikës së Jashtme të BE, e cila flet me kompetencë për funksionimin e demokracisë në Shqipëri por nuk ka informacion se si funksionon demokracia brenda vetë Bashkimit Evropian