Dorëzohet kërkesa për inicimin e peticionit për largimin e Atiqit

Kryetari i Kuvendit Komunal të Mitrovicës së Veriut, Nexhat Ugljanin, ka konfirmuar se një grup i qytetarëve serbë sot kanë dorëzuar kërkesën për inicimin e largimit të Kryetarit të Komunës, Eden Atiq.

Sipas tij, kërkesa është bërë sipas Udhëzimit Administrativ, pasi ishte refuzuar një kërkesë fillestare.

Ai tha se brenda afatit pesëditor do të kthejë përgjigje, por theksoi se sipas të gjitha gjasave do ta refuzojë kërkesën, pasi qytetarët serbë nuk kanë dashur ta largojnë pjesën ku thuhet se nuk janë të kënaqur me shërbimet nga ana e komunës.

Sipas udhëzimit administrativ, kryesuesi i kuvendit komunal duhet ta njoftojë  KQZ-në dhe MAPL-në dhe t’u kthejë përgjigje iniciuesve brenda pesë ditëve.

Kujtojmë se Qeveria ka nxjerrë një Udhëzimi administrativ për t’i hapur rrugë zgjedhjeve të reja në veri, pasi kryetarët aktual kanë kundërshtuar dorëheqjet.

Erden Atiq, Izmir Zeqiri, Lulzim Peci dhe Ilir Peci u zgjodhën kryetarë të katërt komunave të veriut, pasi fituan në zgjedhjet e 23 prillit, të cilat u karakterizuan me dalje të ulët të qytetarëve serbë.

Pasi ata hyrën në objektet komunale pati protesta të dhunshme që çuan në lëndime të pjesëtarëve të KFOR-it, Policisë e gazetarëve.