“Dosja 184”/ Denoncimi, Lideri i Opozitës: Deputeti Paulin Sterkaj u kap duke vjedhur me…

Gjatë një takimi në Shkodër me qytetarë dhe të rinj që kanë studiuar jashtë, kryetari i Partisë Demokratike, Lulzin Basha, duke folur për dorën  e zezë të krimit që është bërë njësh tash 6 vjet me dorën e një qeverie kriminale, që është në themel të kapjes së shtetit,foli edhe me emra konkret.

Deputeti i PS, Paulin Sterkaj, tha lideri i Opozitës, u kap në Dosjen 184 duke bërë pazar me Ymer Lalën për të vjedhur bashkinë e Dibrës:

“Në Dukagjin kemi deputet një ish-trafikant që pastaj është veshur me uniformë policie dhe është kapur pastaj në dosjen 184, duke bërë pazare me Ymer Lalën për të vjedhur bashkinë e Dibrës. Shqipëria e transformuar, Shqipëria e ndryshuar është kjo Shqipëri që do u takojë elvis dedëve dhe qindra të rinjve dhe jo Paulin Sterkajve dhe një grushti tjetër kriminelësh që i bëjnë duanë Edi Ramës nga mëngjesi deri në darkë”.

Qytetarët e lirë shqiptarë, me shkodranët në ballë, dhe opozita politike, e cila duke djegur mandatet, refuzoi të jetë pjesë e këtij parlamenti të krimit, tha kryetari I PD, Lulzim Basha, ka vendosur t’ia kthejë edhe njëherë vendimmarrjen qytetarëve, përmes votës së lirë dhe të ndershme, ndërsa përfundoi:

“Kjo është domethënia e betejës që kemi nisur, ndërsa destinacioni dihet, është destinacioni i vlerave evropiane, i vlerave të një shoqërie të lirë, ku gjithësecili të bëjë para përmes meritës, përmes aftësisë, përmes talentit, e në veçanti rinia ta ketë të sigurtë jetën, shkollimin dhe punësimin.”