Dosja “5D”, GJKKO shpall vendimin në 14 shkurt

Të mërkurën, më 14 shkurt, në orën 12:00, pritet shpallja e vendimit për seancën paraprake në lidhje me çështjen “5D”, ku do të vendoset nëse çështja e ish-drejtorëve të Bashkisë Tiranë do të kalojë apo jo për gjykim.

Të pandehurit Redi Molla, Taulant Tushe dhe Mariglen Qato kanë kërkuar të gjykohen me procedurë të shkurtuar.

Gjykim të shkurtuar kanë kërkuar edhe Enton Punavija, Julian Zanaj, Albano Janku dhe Nestor Muahmetllari.

Të pandehurit kanë kundërshtuar akuzat, duke pretenduar se SPAK nuk i ka provuar ato përmes fakteve, dhe tashmë pritet qëndrimi i gjyqtares Elsa Ulliri pasi Apeli i Posaçëm konstatoi se veprat penale të kryera nga Mariglen Qato, Redi Molla e Taulant Tusha, nuk janë kryer në kuadër të formës së thjeshtë, por si një grup i strukturuar kriminal.

Ndërkohë, në 8 Janar, Prokuroria e Posaçme kundër Korrupsionit dhe Krimit të Organizuar, SPAK, përfundoi hetimet dhe dërgoi për gjykim grupin e dytë të hajdutëve të Bashkisë Tiranë nga “Dosja 5D” me 9 të pandehur.