Dosja “Bajri”/ Përfundon gjykimi, ulen dënimet për Safet dhe Ilir Bajrin

Përfundon gjykimi i Dosjes “Bajri”. Gjykata e Rrethit Gjyqësor Shkodër i ka dhënë fund shqyrtimit gjyqësor të një nga dosjeve më të përfolura dhe të trumbetuara me aq bujë në vjeshtën e vitit 2018, si një nga operacionet e para të Forcës së Ligjit.

Kështu, raporton BW, Gjykata ka pranuar pjesërisht konkluzionet e mbrojtësve Av. Arber Hoxha dhe Av. Sokol Tahiraj, në aplikim të gjykimit të shkurtuar dhe duke ulur 1/3 e dënimit dhe duke vendosur:

1. Safet Bajri deklarimin fajtor dhe denimin e tij perfundimisht me 2 vite e 6 muaj burgim.

2. Ilir Bajri, deklarimin fajtor, per kryerjen e vepres penale te Armembajtjes pa leje dhe duke e denuar perfundimisht me 1 vit e 8 muaj burgim.

3. Astmer Bilali deklarimin fajtor dhe denimin me 3 vite burgim.

4. Ismet Idrizi, deklarimin fajtor, per kryerjen e vepres penale te Armembajtjes pa leje dhe duke e denuar perfundimisht me 2 vite e 6 muaj burgim.

5. Emrah Plaku, deklarimin fajtor, per kryerjen e vepres penale te Armembajtjes pa leje dhe duke e denuar perfundimisht me 2 vite burgim.

Në përfundim të gjykimit, të gjithë të pandehurve iu janë shuar masat e sigurimit përkatës, për shkak se koha e paraburgimit e vuajtur është e barabartë me kohën e dënimit. Për momentin vetëm Safet Bajri është në burg duke vuajtur dënimin në Belgjikë.