Doza e tretë, Raporti i Pfizer: Me shumë sukses mbron nga Delta dhe Beta

Kompanitë Pfizer dhe BioNTech kanë dorëzuar raportin zyrtar pranë Agjencisë amerikan për ushqim dhe ilaçe, FDA, ku theksohet se doza e tretë e vaksinës është efikase dhe mbron nga vairantet e reja të koronavirusit.

Doza e tretë e vaksinës ka dhënë përgjigje shumë më të fuqishme të antitrupave kundër variantit origjinal të koronavirusit, si dhe kundër variantit indian Delta dhe atij afrikanojugor Beta, në krahasim me përgjigjen pas dy dozave. Sipas hulumtimeve të para, doza e tretë është efikase kundër variantit origjinal ashtu si dhe kundër mutacioneve.

“Duke pasur parasysh nivelin e lartë të përgjigjes imunologjike që kemi vënë re, doza e tretë e zbatuar 6-12 muaj pas vaksinës primare mund të ndihmoj që mbajë nivelin e lartë të mbrojtjes kundër COVID-19,” thuhet në raportin e kompanisë.

“Këto të dhëna tregojnë se mund të ruajmë nivelin e lartë të mbrojtjes kundër virusit dhe varianteve të tij me dozën e tretë të vaksinës. Kjo mund ti ulë transmetimet e sëmundjes ndër njerëz që janë vaksinuar, por dhe më mirë të kontrolloj përhapjen e virusit kryesisht,” tha bashkëthemeluesi i BioNTech Dr.Ugur Sahin.

Ekspertët në Pfizer konsiderojnë se së shpejti doza e tretë do të jetë e nevojshme, por ekspertët shëndetësor amerikanë ende nuk mendojnë se kjo është e nevojshme.