Draghi: Mbështesim Shqipërinë në BE! Rama: Çfarëdo që të ndodhë në Ballkan…

Italia do të vijojë të mbështesë Shqipërinë në rrugën e saj drejt Bashkimit Europian, tha Kryeministri italian Mario Draghi pas takimit me Kryeministrin Edi Rama në Romë i cili e pranoi se fati i Shqipërisë në BE është i lidhur me atë të Maqedonisë së Veriut duke e bërë të qartë se çfarëdo që të ndodhë në Ballkan ka ndikim të menjëhershme në Europë.

“Nuk ka nevojë për fjalë, bashkësia shqiptare në Itali është shumë e gjerë. Studentët shqiptarë janë të shumtë. Sipërmarrjet italine në Shqipëri janë po ashtu shumë, edhe në këtë sektor jemi pranë. Bashkëpunimi me Shqipërinë, zhvillohet edhe në turizëm e shërbime Italia është pranë në cdo gjë Shqipërisë. Është e rëndësishmë për stabilitetin në Ballkan,

Edhe bashkëpunimi sa i përket gjyqësori ecën shumë mirë. ka nisma të ndryshme mbi të cilat të dy vendet do të punojnë. Sot Rama do të firmosë, pjesëmarrjen në Komitetin ekonomik të përbashkët mes Shqipërisë dhe Italisë. Do japim një mbështetje të plotë Shqipërisë,” u shpreh Mario Draghi ndërsa Kryeministri Edi Rama u shpreh qartë se çfarëdo që të ndodhë në Ballkan si në të mirë edhe në të keq ka një ndikim të menjëhershme në Europë .

“Si gjithmonë është një nder të jem në këtë pallat, po këtë herë nuk është vetëm një nder, por edhe një privilegj që takoj Mario Draghin. Dua ta falënderoj, është një mundësi për të mësuar dhe diskutuar jo vetëm gjërat e tashme por edhe për të projektuar drejt së ardhmes. Folëm edhe për integrimin europian që të çelim një korsi më të shpejtë, që të mund të integrohen sistemet universitare europiane me ato te Ballkanit. Apo sistemet e bujqësisë, inovacionit e të tjera, pa harruar tranzicionin ekologjik. Është një sfidë e përbashkët. S’ka pse të ketë dy korsi të ndara. Çfarëdo që të ndodhë në Ballkan si në të mirë edhe në të keq ka një ndikim të menjëhershme në Europë. Është e vetmja me një kufi të jashtëm e të brendshëm. Mund t’i kërkoj edhe një përshpejtim të njohjes së pensioneve,” tha Edi Rama duke shtuar se folën edhe për sigurinë dhe për drejtësinë dhe këtu mendoj se kemi mundësi të mira për të zhvilluar projekte që tu drejtohen më shumë të rinjve për një edukim e arsimim me cilësi të lartë.

“Sigurisht ka patur shumë që është bërë. Italia ka patur rol kryesor në të gjithë periudhën e këtij kalimi jo të thjesht, nga një regjim i mbyllur në demokraci funksionale. S’do e shprehim dot me fjalë gjithë mirënjohjen ndaj këtij vendi. Mund të bëhet më shumë, sepse sot nuk janë vetëm shqiptarët në Itali po edhe shumë italianë në Shqipëri. Është një e ardhme që do na lidhë gjithnjë e më tepër. Shqipëria është një vend i vogël në zhvillim, duhet të gjehen mënyrat për ta përforcuar edhe më tej lidhjen. Shpresoj kryeministri do të ketë mundësinë të vitizojë Shqipërinë,” tha Rama duke pranuar me këtë rast se fati i Shqipërisë në BE është i lidhur me atë të Maqedonisë së Veriut dhe se ende nuk ka një datë për mbajtjen e mbledhjes së parë Ndërqeveritare, por ajo që duhet të bëjë është që të jetë në lartësinë e duhur.

“Ka disa vende të cilat kanë ndjekur një vijë të ndryshme, por nuk mund ta ndryshojmë këtë, por integrimi Evropian i Shqipërisë, nuk është diçka që na e kanë detyruar apo kërkuar, është diçka që është pjesë e borxhit që ne i kemi brezave të rinj. Është pjesë e fatit të Shqipërisë, ka qenë ëndrra e të gjithëve ne, që gjithnjë kanë synuar bregun tjetër të detit. Ne do të vazhdojmë të bëjmë atë që po bëjmë. Italia është një partner i pa zëvendësueshëm për të gjithë ndihmën që na ka dhënë. Ashtu si vendet e tjera partnere, mike, më pas pak durim. Zgjerimi është fati i BE, nëse BE, dëshiron të përmbyllë projektin e etërve themelues”, tha Rama duke shtuar se veto e vendosur nga Bullgaria ndaj Maqedonisë së Veriut është një dëm kolateral për Shqipërinë. Sipas tij, Holanda dhe Franca po punojnë për ta hequr,” tha Kryeministri i Shqipërisë duke sqaruar dhe veton që pengon këtë integrim:

“Mes Shqipërisë dhe BE nuk varet as nga Shqipëria dhe as Maqedonisë së Veriut. Ka një veto në këtë rast, Shqipëria është dëmi më kolateral. Për ne nuk është e rëndësishme të kemi apo jo një datë, por e rëndësishme është që të jemi në lartësinë e duhur dhe BE të mbajë fjalën sepse ne prej dy vitesh duhet ta kishim filluar këtë proces. Nëse kjo nuk ndodh, i përket BE të marrë përsipër përgjegjësinë. Ne kemi bërë detyrat tona jo për BE, por për veten tonë. Çdo çast ne jemi të gatshëm të ulemi në tryezë. Ndarja e Shqipërisë nga Maqedonisë së Veriut është e vështirë. Do të presim presidentin e ri bullgar, do të shohim se çfarë qëndrimi do të mbajë shteti bullgar dhe do të shohim se deri ku do të arrijë efekti i të gjitha presioneve që është bërë në nivele të ndryshme. Është dhe Franca dhe Holanda që po shtyjnë Bullgarinë që ta heqi veton e saj.”

Në fund, edhe një herë kryeministri i Italisë Mario Dragi tha se integrimi i Ballkanit Perëndimor i sheh vendet së bashku ndërsa përfundoi:

“Edhe njëherë i referohem fjalëve të kryeministrit Rama. Integrimi i Ballkanit Perëndimor i sheh vendet së bashku. Cilat janë hapat që do të bëj Italia është herët të thuhet. Këto do të kapërcehen që procesi i integrimit të vazhdojë. Zgjerimi i parë i BE për shumë vende që tani konsiderohen si partnerë të qëndrueshëm, janë dashur shumë vite. Duhet të arsyetojmë për kohët e gjata. Kjo nuk bëhet duke lidhur çështjet e lidhura me emigracionin, është strategji afatgjatë që përkufizon identitet e BE.”