Dramë me avionë në Serbi/ në njërin bombë, tjetri rrëzohet…
Sot Serbia u karakterizua me dy drama të rënda me avionë. Avioni i linjës Beograd-Frankfurt nuk fluturoi për shkak të një telefonate se në avionë gjendet bombë, dhe ndërsa vazhdonte evakuimi i udhëtarëve dhe kontrolli i avionit, në qytetin e Zrenjaninit u rrëzua një avionë.
Avioni i kompanisë ajrore “Lufthansa” i linjës Beograd-Frankfurt, i cili ishte parashikuar të niset në orën 06:15 nga Aeroporti Nikola Tesla, u zhvendos në pozicionin 3.000, kur dhe u bë e ditur për bombën në këtë avion. Ky alarm shkaktoi një panik të madhe në gjithë aeroportin ndërsa ky pozicion i avionit, filloi të komentohet si masë kur pritet shpërthimi i avionit dhe merret për të mos cenuar aeroporti ndërkohë që filluan të merren masa për evakuimin e udhëtarëve.
Kur udhëtarët filluan të dalin nga avioni, dhe në mesin e tyre ishte dhe përfaqësuesja e femrave në basketboll, u kuptua se vetëm 130 udhëtarët e avionit nuk ishin në dijeni për bombën. Ky ishte momenti kur u krijua një rrëmujë edhe më e madhe e cila u rëndua me lajmin se në Zrenjanin u rrëzua një avion.
Shumë shpejtë u bë e ditur se fjala është për një avion të vogël të tipit Zlin 526 F me pilotin 47 vjeçar Vladimir Bulato. Për shkak të dramës që po vazhdonte në Aeroportin e Beogradit, televizioni publik i Serbisë, RTS, nxitoi të sqaroi se fjala është për një aksident në afërsi të Aeroportit Eçka afër Zrenjaninit, ku kishte humbur jetën piloti me përvojë dhe kryetari i Klubit të Aeronautikës, Vladimir Bulato ndërsa po kryente fluturime akrobatike.
Ndonëse avioni me rastin e rënies ishte futur më shumë se 2 metra në tokë, policia nxitoi të raportonte se fjala është për vetëm një të vdekur ndërkohë zjarrfikësit ende nuk e kishin nxjerrë trupin e pajetë dhe Klubi i Bulatos nuk ishte shprehur për aksidentin cili ndodhi rreth orës 08:30.
Në fund, pesë orë pas dramës në Aeroportin e Beogradit, kur ishin evakuuar 130 udhëtarët dhe ekuipazhi i avionit, policia doli me një deklaratë se alarmi ishte i rrejshëm dhe në avionin e linjës Beograd-Frankfurt nuk ka bombë.
