Drejt kolapsit të paprecedentë, Basha: Tom Doshi, kryemafia e ilaçeve në Shqipëri!
Kryetari i Partisë Demokratike, Lulzim Basha tha sot se vendi po shkon drejt kolapsit për shkak të situatës me koronavirusin ndërsa citoi një ekspert epidemiolog se aktualisht mund të ketë 2500 raste ditore nga COVID-19 por nuk raportohen. Duke e bërë të qartë se Ministria e Shëndetësisë do jetë një ndër shënjestrat e para nga Antikorrupsioni, ai sot ka akuzuar deputetin e mazhorancës, Tom Doshin si kryemafiozin e ilaçeve në Shqipëri.
“Shqipëria rrezikon shumë. Shumë më shumë se ajo që thatë ju. Rrezikon një kolaps të paprecedentë si ajo e pandemisë. 6 muaj të shqiptarëve u hodhën kot. Ekonomia jonë është 2-fish më e thellë për shqiptarët. Paratë e shqiptarëve nuk shkuan tek qytetarët, apo tek spitalet. S’ka alibi, nëse gjendja po shkon drejt kolapsit, është se kryeministri po sillet si armik i popullit shqiptar,” tha Lulzim Basha duke shtuar se nga raportimet pranë ekipit të shëndetësisë në PD, numri i qytetarëve që kanë simptoma dhe nuk iu bëhet tamponi është disa herë më i lartë se të infektuarit që dalin nga raportimet ditore të autoriteteve shëndetësore.
”Gjatë mbrëmjes së kaluar ekipi i shëndetësisë në PD ka marrë një seri raportimesh nga territori i vendit, ku sipas përllogaritjeve të bazuara në denoncimet e qytetarëve që raportojnë simptoma vetë apo familjarët, dhe nuk testohet, nuk iu bëhet tamponi prej ditësh ka arritur në shifra disa herë më të larta se infektimet. Vetëm ditën e djeshme, mjekë specialistë, infektologë të vendit dhe ekspertë shqiptarë kanë ngritur alarmin se numri real i infektimeve është shumë më i lartë,” tha Basha duke deklaruar një shifër të frikshme.
“Sipas të paktën njërit prej ekspertëve të njohur epidemiolog, bëhet fjalë për 2500 infeksione në ditë. Nuk kemi mjetet e nevojshme për nxjerrë infektimet reale. Ajo çfarë dinë shqiptarët është se raportimet tregojnë shifra të ulëta, po ashtu dhe fatalitetet.
Me këtë kryeministër dhe qeveri transparenca është kthyer në propagandë, shfaqje, justifikime për mosmarrjen e masave. Kjo nuk e fsheh përhapjen e virusit, apo për sfidën e familjarëve për t’u përballur me faturën financiare, apo paaftësinë e sistemit shëndetësor. Përballja me të infektuarit, dhe të sëmurët e tjerë që po kthehen. Vetëm në Mat u mbyllën disa pavione në spital për shkak të infektimit të mjekëve. Ndonjëri karantinohet, ndonjëri trajtohet, ndonjë tjetër ka dhe nevojë për trajtim shtesë, por dhjetëra qytetarë mbeten pa shërbim. është kthyer në problem kronik gjendja e spitaleve,” tha lideri i opozitës duke vlerësuar se kolapsi i sistemit dhe pasojat që ka për qytetarët është emergjenca më akute që kanë shqiptarët ndërsa e cilësoi qeverinë të papërgjegjshme dhe kriminale shtoi:
“Është shpërdorim i pastër me pushtetin që t’i lësh qytetarët. Disa pavione në spitalin e Matit janë mbyllur, dhe situata pritet që të degradohet në disa të tjerë. Nuk ka leke për pensionistët, për t’u dhënë nga 20 mijë në muaj. Çojini një sinjal se ekzistoni në këtë vend (SPAK). gjatë ditëve të fundit, ka pasur mbyllje të bizneseve. Ne jemi vetëm në fillimin e asaj që duket valë e dytë goditëse për ekonominë, jo vetëm për pandeminë. Ia dalim që të paguajmë ccdo pensionisti një ccek prej 20 mijë lekë të vjetra në muaj për shpenzime shtesë, apo 160 për punonjësit. Ia dalim që të mbështesim shëndetësinë në 4 komponentë. Kjo armiqësi e hapur me shqiptarët duhet të marrë fund. Koha për t’i dhënë fund kësaj në 25 prill, po afron. Kjo deri atje është e pamëshirë. Duhet të vihen para përgjegjësisë dhe hekurave këdo që vjedh paratë e shqiptarëve në këto ditë të vështira. Nëna e baballarë vdesin trotuareve, ndërkohë që të tjerë çojnë paratë e vjedhura në parajsa fiskale.”
Me këtë rast ai garantoi se Planin e PD për Shëndetësinë, shqiptarët nuk do marrin më ilaçe të skaduara teksa Ministria e Shëndetësisë do të jetë shënjestra e parë e Strukturës Antikorrupsion.
”Pse nuk e dini ju kush është në krye të mafies së ilaçeve? Tom Doshi është kryemafia e ilaçeve. E gjithë politika shëndetësore vërtitet drejt tij. Strumbullari është Tom Doshi. Nuk është i vetëm. Ka dhe një duzinë të tjerë, por atyre nuk ua di emrat. E sigurtë që me planin tonë për shëndetësinë s’do ketë asnjë hapësirë për mafien e ilaçeve. S’do pinë më shqiptarët ilaçe që nuk janë ilaçe. Ministria e Shëndetësisë do jetë një ndër shënjestrat e para nga Antikorrupsionit me themel. Qeveria më e babëzitur që i zhvati paratë e shqiptarëve në kohë pandemie dhe dënoi me vdekje deri më sot shqiptarë për shkak të korrupsionit e babëzisë.”
Kryetari i Partisë Demokratike disa herë theksoi kërkesën për rritjen e testimeve për koronavirusin ndërsa Kryeministrin Edi Rama e cilësoiarmik të qytetarëve.
“Hapi i parë rritja e testimeve. Sot që duket sikur infektimet janë jashtë kontrollit nuk ka detyrë më të rëndësishme se rritja e testimeve. Prej muajsh kam kërkuar që numri minimal i testimeve të jetë 2500.
Nuk mund ti iket kësaj krize, nuk mund të fshihesh pas gishtit dhe as të shpikësh justifikime apo shashka propagandistike për të dhënë një përgjigje të thjeshtë pse nuk rritet numri i testimeve.
Sot një pagesë 3 milion euro nga thesari për një kontratë me kosto dyfishe për PPP-në në rrugën e Arbrit. 1.5 mln euro i janë zhvatur dje shqiptarëve. Sa maska mund të bliheshin për të mbrojtur personelin shëndetësor, sa teste mund të bliheshin dhe administroheshin për të mos ardhur në këtë pikë e cila do përkeqësohet,” tha Basha duke shtuar se me mosveprim nuk kemi të bëjmë me një qeveri të papërgjegjshme por një armik të shëndetit dhe jetës së shqiptarëve.
“Një armik të interesit publik të shqiptarëve. Në këtë betejë provohet dhe njëherë që koronavirusi është armiku numër dy i shëndetit të njerëzve sepse armiku numër një është kryeministri. Vetëm një armik i popullit të vetë mund t’ia lejojë vetes që 5 javë pse ka mbi tavolinë një plan të vazhdojë të shpërdorojë dhe të vjedhë dhe të mos japë asnjë llogari pse nuk rrit numri e testimeve. Kjo nuk është papërgjegjshmëri por t’iu hapësh luftë qytetarëve të tu, t’u marrësh taksat dhe tua vjedhësh. Ju e dini që unë e kam shmangur për një kohë të gjatë etiketimin e kundërshtarit si armik por sot nuk kam asnjë fjalë tjetër. Armiqësi e hapur me qytetarët e tij me interesat e qytetarëve. Është peng i mafies. Edhe sot numri i testimeve do mbetet më i ulëti në Europë. 100 mijë të shpunësuar nuk do kenë me çfarë të blejnë bukën sot dhe do zhyten dhe më thellë në borxh.”
Duke denoncuar kontratën korruptive të “Rrugës së Arbrit”, ai saktësoi se dje iu janë zhvatur 1.5 milionë euro, para me të cilat mund të bliheshin maska për personelin shëndetësor dhe të pamundurve si dhe teste për COVID-19.
“Pse nuk ndalen milionat drejt kontratave korruptive me 2-fish, 3-fish çmimin e kontratës. Sot kemi një tjetër pagesë nga thesari 3 milionë euro për një nga këto kontrata korruptive. Çmimi i së cilës është të paktën dy herë më i lartë se ç’duhet të ishte. Të paktën dy herë më shumë paguajnë shqiptarët për kontratën korruptive të ‘Rrugës së Arbrit’ se sa ç’duhet të paguanin dhe sot apo dje thesari i shtetit ka disbursuar plot 3 milionë euro. Në qoftë se e marrim të mirëqenë që vlera është dy fish më e lartë se ç’duhet të ishte sepse mund të jetë dhe tre herë më e lartë i bie që 1.5 mln euro i janë zhvatur dje shqiptarëve. Sa maska mund të bliheshin për të mbrojtur personelin shëndetësor, për tua dhënë të pamundurve që nuk i paguajnë dot. Sa teste mund të bliheshin dhe të administroheshin për të mos ardhur në këtë pikë e cila vetëm do të përkeqësohet në ditët e ardhshme,” tha sot Kryetari i Partisë Demokratike, Lulzim Basha, duke përfunduar:
“Me mosveprimin nuk kemi të bëjmë me një qeveri të papërgjegjshme por kemi të bëjmë me një armik të shëndetit dhe jetës së shqiptarëve.”
