Drejt seancës, Berisha: Sot nis beteja për shpëtimin e PD nga pazaret e turpshme Basha-Rama
Pas përjashtimit nga Grupi Parlamentar i Partisë Demokratike, Ish-Presidenti Sali Berisha zgjodhi ti drejtohet seancës së parë të Legjislaturës së X-të i vetmuar ndërsa u prit nga të pakënaqur të shumtë në PD me vendimine Kryetarit Basha, ku e bëri të qartë se sot nis beteja për shpëtimin e Partisë Demokratike dhe të Shqipërisë nga pazaret e turpshme të Lulzim Bashës dhe Edi Ramës.
“Sot nis beteja jonë, sot nis beteja jonë për shpëtimin e Partisë Demokratike dhe të Shqipërisë nga pazaret e turpshme të Lulzim Bashës dhe Edi Ramës. PD do të dalë nga kjo betejë më e fortë dhe më e sigurtë në fitore, rroftë PD rroftë Shqipëria,” u shpreh Berisha para futjes në seancën parlamentare ku u prit nga një dush i ftohtë.
Deputetët që i qëndruan në krah liderit historik Sali Berisha ishin ata që do ti ulen në krah tani e tutje, në radhën e fundit të deputetëve demoratë, “dënim” ky në vazhdën e penalizimeve që prodhuan zhvillimet e fundit politike në relacionin Rama-Kim-Basha.
Këtë realitet Ish-kryetari i PD dhe Ish-Presidenti i Republikës, Sali Berisha, nuk po e pranon dot dhe akuzat i vazhdoi edhe pas seancës së parë të Legjislaturës së X-të ndërsa vendimi për përjashtimin nga Grupi Parlamentar e konsideron nul.
“Jam më i votuar se kurrë në jetën time për të mbrojtur interesin publik të qytetarëve shqiptarë. Për të mbrojtur interesin kombëtar të kombit shqiptar për të denoncuar të gjitha afërar e këtij regjimit, regjim i cili ka zgjedhur trillimin, kurthet, pazaret për eliminimin e opozitarëve shqiptarë,” tha Berisha ndërsa i pyetur nga gazetarët se për çfarë pakti po flet shton:
“Se çfarë date është pakti, do ua le juve dhe historianëve. Garantoj se ajo që ndodhi është një marrëveshje Rama-Basha,” tha Ish-Kryetari i PD duke paralajmëruar rikthimin në selinë e PD për të shporrur, siç tha ai një klikë sunduese të bazuar mbi krimin, drogën, dhunimin e votës dhe pazareve të fëlliqura me ata që e shndërrojnë Partinë Demokratike në fasadë opozitë.
”Do marrë çdo nisëm brenda PD për rikthimin e saj në piedestalin që meriton. Si të shihni, unë jam anëtar i grupit parlamentar i PD. Vendimi, kompromisi Rama-Basha është nul, s’ka mbështetje ligjore përveç fëlliqësisë morale në pazaret mbrapa shpine ndaj një force politike,” tha Berisha duke përfunduar:
“Në çdo kohë mund të hyj në selinë e PD dhe të jeni të sigurtë që do jetë shumë e afërt dita kur PD të rifitojë të gjithë forcën, të gjithë vendosmënrinë, legjitimitetin, për të shporrur një klikë sunduese të bazuar mbi krimin,d rogën, dhunimin e votës dhe pazareve të fëlliqura me ata që e shndërrojnë PD në fasadë opozitë. Tani kaq.
Grupi ishte në krahun e vet kur hyri.”
