Drejt SHBA, Hashim Thaçi në pritjen e Presidentit Trump

Presidenti i Kosovës, Hashim Thaçi, sot është nisur për në SHBA, ku do të merr pjesë në pritjen e liderëve botërorë nga Presidenti i Shteteve të Bashkuar, Donald Trump.

Hashim Thaçi pritet ketë takime zyrtare në Iowa dhe New York. Në Des Moines, kryeqytetin e Iowa-s, me të cilin është binjakëzuar Kosova, Presidenti Thaçi do të vizitojë pjesëtarët e FSK-së që janë duke ndjekur trajnime në Gardën Kombëtare të shtetit të Iowa-s.

Ai po ashtu do të takojë studentet kosovare që kanë shkuar të ndjekin studimet postdiplomike në kuadër të programit “Gratë në energji” të “MFK”.

Ndërkohë Presidenti Thaçi do të të ndjek punimet e Asamblesë së Përgjithshme të Kombeve të Bashkuara ku do të marrë pjesë edhe në darkën e shtruar nga Përfaqësuesja e Lartë e BE, Federica Mogherini, për liderët e Ballkanit Perëndimor.

Në kuadër të punimeve të Asamblesë së Përgjithshme të Kombeve të Bashkuara, presidenti Thaçi pritet të takojë krerë shtetesh të vendeve nga bota dhe liderë të organizatave ndërkombëtare.