“Drejtësi për Jonadën”, skadon afati – qytetarët në protestë në 19:30 para Ministrisë Brendshme

Pas skadimit të afatit prej 72 orësh për kryeministrin Edi Rama ndërkohë nuk janë shkarkuar ministrat Mirela Kumbaro dhe Blendi Çuçi dhe drejtori i Policisë, Gledis Nano, sot para Ministrisë Brendshme organizohet sërish protestë në orën 19:30 me moton “Drejtësi për Jonadën”.

Kryetari i Partisë Demokratike, Sali Berisha, duke mbështetur protestën bënë thirrje për pjesëmarrje:

“Edi Rama arrogant mbron veten, Çuçin e familjes dhe Kumbaron, refuzon kerkesat e qytetarëve. Sot qytetarët në protestë të fuqishme në orën 19:30 për largimin e Çuçit, Kumbaros dhe Nanos. Mbështetje të plotë protestës dhe kërkesave të qytetarëve.”

Ndryshe, pas tragjedisë së 2 Gushtit në Potam në Himarës ku u vra nga komisari Arjan Tase, 7-vjeçarja Joanada Avdia ndërsa pushonte me familjen në plazh, qytetarët zhvilluan një protestë paqësore më 4 Gusht para ministrisë së Brendshme nën moton “Drejtësi për Jonadën” dhe “Nuk e vrau varka, e vrau shteti” ku dhe iu dha afati prej 72 orësh Kryeministrit Edi Rama për të shkarkuar ministrat Mirela Kumbaros dhe Blendi Çuçit si dhe drejtori i Policisë Gledis Nano.