Drejtësia që duam, GJKKO dënon qytetarin që tentoi të korruptojë policin rrugor

Në kohën kur në vendin që gjithçka korruptohet dhe gjithçka është krim krim i organizuar, Gjykata e Posaçme për Korrupsion dhe Krimin e Organizuar, GJKKO, dënon një qytetar shqiptar se ka dashur të korruptojë një punonjës të Policisë Rrugore.

Ky proces gjyqësor i GJKKO përveç se nuk ka lidhje me drejtësinë shqiptare ngërthen në vete dy anomali që vetëm drejtësia e reformuar nuk duhej ti merrte përsipër.

Sot Vilson Memini u dënua sepse tentoi të korruptojë një punonjës të Policisë Rrugore me 1.000 lekë. Nuk dihet se si e ka hartuar SPAK këtë akuzë por një polic rrugor sikur mos të korruptohet brenda 8 orëve të një turni, ai lekët e veta i zhvendos nga njëri xhep në tjetrin vetëm që të mos e harroj vesin e hajdutit!

Dhe e dyta, si SPAK ashtu dhe GJKKO nuk duhet ta ulin pazarin e drejtësisë dhe qytetarin që ka korruptuar një polic rrugor, ta barazojnë me shefat e bandave të mëdha kriminale që i kanë dënuar ashtu si Vilson Meminin, 120 orë punë të detyruar!

Nëse kjo është “drejtësia që duam”, këtij vendi nuk ka arsye ti vë veton Holanda për negociata me BE. Veton duhet vënë BE-së që krijoi këtë drejtësi të përçudnuar, që as shqiptarët nuk e kishin bërë kaq të pistë!