“Drejtësia që duam”/ U kap me dy armë, Fjolla Morina lirohet se ka dy fëmijë!
Gjykata ka vendosur sot masën e sigurisë “arrest shtëpie” për këngëtaren Fjolla Morina, e cila u kap me dy armë në pikën kufitare të Morinës.
Një fakt tjetër që doli në pah, raporton BW, është se këngëtarja Fjolla Morina nuk është shtatzënë. Rezultati ka ardhur pas rikontrollit të dytë që iu bë në maternitetin e Kukësit.
Pavarësisht kësaj, gjykata vendosi ta lërë në arrest shtëpie për shkak se ajo ka dy fëmijë të tjerë për tu kujdesur, njëri prej tyre i mitur.
Këngëtarja e njohur u arrestua teksa tentonte të hynte në Shqipëri, ndërsa në çantën e saj iu gjet pistoletë, çakmak pistoletë dhe 23 fishekë.
Me siguri se Fjolla Morina nuk ishte në dijeni për ndryshimet në Kodin Penal për armëmbajtje pa leje; Por, përveç Kryeministrit Edi Rama dhe sejmenit të tij, Sandër Lleshi, askush nuk e ka besuar se ky Kod mund të aplikohet dhe të dënohet dikush në Shqipëri 10-20 vjet për armëmbajtje pa leje.
Kështu ndodhi me Fjollën dhe shpresojmë që këta dy zyrtarë të lartë të qeverisë që po shkatërron vendin në veçanti Drejtësinë, nuk thërrasin më në zë: Drejtësia që duam!
Po sot gjykata vendosi “arrest në burg” me afat 30 ditë për Fisnik Sylën, biznesmenin që ishte me Fjolla Morinën në makinë dhe për shoferin e Fitim Mujin.
