“Drejtësia që Duam”/ Vrasja në Bllok, Ervin Mata u dorëzua për tu lënë sot i lirë

U akuzua për vrasjen në Bllok, në rrethana të cilësuara të mbetura në tentativë të kryer në bashkëpunim dhe mbajtje pa leje të armëve luftarake, ishte pesë muaj person në kërkim, u dorëzua dhe sot Gjykata vendosi që Ervin Mata të hetohet i lirë.

Pasi u përball sot në Gjykatë me akuzat e ngritura ndaj tij në lidhje me vrasjen e 4 tetorit 2018 në Bllok, Gjykata e Tiranës i caktoi të fejuarit të Elvana Gjatës. masën e sigurisë “Detyrim me paraqitje” ndërkohë prokuroria kishte kërkuar “Arrest me burg”. Kështu, ai do të paraqitet të hënën e parë dhe të premten e tretë të çdo muaji. Prokuroria ka deklaruar se do të apelojë vendimin.

Ndryshe, grupi i Ervis Martinajt u përplas me armë zjarri me grupin e Ervin Matës. Nga grupi i tij, Martinaj dhe Hato u plagosën, ndërsa Fabjol Gaxha u qëllua për vdekje nga ish-komandoja Mervjol Bilo, i cili është ende në kërkim.

Sipas prokurorisë shkak për përplasjen mes dy grupeve që përfundoi me vrasjen e një personi dhe plagosjen e dy të tjerëve është bërë këngëtarja, e cila ishte ngacmuar nga një prej grupit të Martinajt, veprim ky që ishte parë nga Mata. 

Në lidhje me ngjarjen është pyetur nga policia edhe vetë këngëtarja, e cila ka sqaruar  pozicionin e saj në ngjarje dhe ngacmimin që i ishte bërë pak minuta para  ngjarjes nga viktima Fabjol Gaxha. Kjo është “Drejtësia që Duam” e Edi Ramës. Akuzon një person për vrasje, i japin masën e arrestit dhe kur ai dorëzohet me vullnetin e tij të lirë, e që u përfol edhe si pazar me pushtetin, ai u la lirë sipër të konfirmuar “pazarin” ashtu edhe mosfunksionimin e drejtsësië së kapur nga kryeministri Edi Rama.