Drejtori i Kadastrës/ Pas avokatisë së Braçes, Edi Rama: Dardha e ka bishtin mbrapa!

Pas avokatisë që Zv/.Kryeministri Erion Braçe i bëri Drejtorit të arrestuar të Kadstrës së Durrësit, Liridon Pula, duke kërcënuar Prokurorin dhe Gjyqtaren e çështjes, duke e quajtur këtë veprim të Braçes si reagim ndaj “mbështetjes kriminale që Partia Demokratike i jep Prokurorit kriminel të Durrësit”, Kryeministri Edi Rama i bënë të qartë Porkurorit dhe Gjyqtares ende pa ju nështruar procesit se nuk do ta kalojnë vettingun:

“Prokurori i Durrësit që shantazhoi për hesap të një organizate kriminale zyrtarin e shtetit dhe më pas kërkoi burgosjen e tij, është mishërimi tipik i llumit të sistemit të drejtësisë, që nuk ka asnjë shans t’i shpëtojë pastrimit nga sistemi! Ky llum po kryen akte kriminale padrejtësie, me moton ‘Do ikim që do ikim, të kapim ç’të kapim’,” thekson Edi Rama duke shtuar se dardha e ka bishtin mbrapa:

“Çdo padrejtësi e bërë sot nga ata që nuk kalojnë dot Vetingun, do të ndëshkohet nesër, mu ashtu siç e kemi thënë qysh në nisje të reformës, siç shkruhet edhe në kërkesën e Bundestagut gjerman dhe siç do të kërkohet nga BE-ja në rrugën e negociatave për anëtarësim.”

Dhe, pasi e bënë të qartë dardhën dhe bishtin, duke e stolisur rrënimin e Vettingut nga kjo Qeveri me Bundestag dhe BE, Edi Rama e thotë atë që presin shqiptarët nga viti 1945 e Kryeministri nga viti 1989:

“Drejtësia e munguar e 30 vjetëve, po vjen dalëngadalë dhe s’do të kursejë askënd!”