Drejtori i RTKLive: Qytetarët dje vendosën për Rusinë!

Drejtori i portalit të televizionit publik të Kosovës, RTKlive, Mentor Shala, ka lëshuar kritika të ashpra për partinë fituese të zgjedhjeve të djeshme, Lëvizjen Vetëvendosje.

Në një postim në Facebook, të cilin pas një kohe e ka fshirë, Shala thekson se qytetarët votuan për Lindjen e Rusinë, duke aluduar në LVV-në, e cila është duke prirë në rezultatet e publikuara nga KQZ-ja.

“Lindje-Perëndim, Perëndim a Lindje?! Përgjigja u dha sonte- Sot 26% e popullit (që fatmirësisht nuk është shumica e popullit të Kosovës), vendosen per Lindjen”, tha Shala.

Kryetari i Partisë Demokratike të Kosovës, Kadri Veseli, gjatë fushatës parazgjedhore, vazhdimisht ka kritikuar Lëvizjen Vetëvendosje se është anti-Perëndimore.

Edhe Shala tha se SHBA deshi që ne të jemi me Perëndimi, por, sipas tij, “ne s’e dëgjuam”, raporon KTV.

“Nëse Perëndimi (SHBA) u munduan të na bajnë të qartë se duhet të mbesim me perëndimin e na s’e degjuam – Lindja (Rusia) sot ia qon gishtin e mesëm Perëndimit (SHBA) dhe i thotë tash merreni vesh me mu(Rusinë) për Kosovën. Po du me thanë ia kemi thy Rusisë me sonte,” thekson Mentor Shala i bindur se më i ftuari në këtë mes është Rusia ndërsa përfundon:

“Deri më sot kurrë ma afër s’e kemi pas rrumbullaksimin e shtetit të Kosovës ndërsa prej sonte ma larg e kemi, edhe pse besoj shumë në mrekulli (lojëra të mëdha prej njerëzve të mëdhej)! Klm.”

Ndryshe, Televizioni Publik i Kosovë që nga dita e parë i ka shërbyer partisë në pushtet dhe ka dalë hapur kundër opozitës. Kur Ramush Haradinaj u bë Kryeministër për herë të parë, jo kronikë por edhe emri Hashin ishte e ndaluar të përmendej. Por asgjë nuk ndryshoi kur Hashim Thaçi erdhi në pushtet; Veproi si paraardhësi për të vijuar në ditët e fundit të kaolicionit të të fortëve.