Drejtoria Vendore e Taksave: Asnjë shërbim në sportele, tre mënyra alternative

Koronavirusi ka mbyllur edhe sportelet e taksave. Drejtoria e Përgjithshme e Taksave dhe Tarifave Vendore e Tiranës bëri me dije përmes një deklarate se nuk do të ofrojë asnjë shërbim për subjektet në sportele por do të japë asistencën e saj përmes metodave alternative.

“Në kuadër të masave mbrojtëse në qytetin e Tiranës me qëllim parandalimin e përhapjes të infeksionit COVID-19, njoftojmë se Drejtoria e Përgjithshme e Taksave dhe Tarifave Vendore nuk do të ofrojë asnjë shërbim për subjektet pranë sporteleve në ambientet e institucionit.

Për këtë arsye, janë ngritur grupe pune që do të ofrojnë asistencë të plotë për subjektet përmes metodave alternative si më poshtë:

1- Postës

2- Adresës elektronike zyrtare të DPTTV (taksat@tirana.al)

3- Numrave të telefonit të vendosur në dispozicion 08008080/ 0035542419705

Kërkojmë mirëkuptimin tuaj për këtë vendim me qëllim shmangien e grumbullimeve masive në ambientet e institucionit, që mund të jetë shkak për përhapjen e COVID-19” bëri me dije kjo drejtori në një njoftim./Monitor/