Drenica sërish jetime!
Nuk është hera e parë, mbase nga viti 1912 është mësuar, por Drenica edhe këtë të diele të 9 shtatorit mbeti jetime pse nuk lejoi Presidentin e Serbisë të shkelë në tokë shqiptare!
Veprimi i qytetarëve të saj u dënua nga të gjitha institucionet ndërkombëtare dhe vetë presidenti Hashim Thaçi, veprim ky i përsëritur ndërkombëtar si në vitet 1912, 1945, 1956, 1981,1989 dhe së fundi në vitin 1998, kur u deshtë të shuhet një familje e tërë, ajo e Adem Jasharit, për tu vërtetuar se këtu shkau vret!
Pavarësisht se kjo protestë u përshëndetë nga të gjithë shqiptarët kudo që janë, dhe kryetari i komunës Skenderaj, Bekim Jashari, Drenicës i mungoj një mbështetje institucionale shqiptare.
Të gjithë u fikën nga priza, madje edhe nga rrjetet sociale Facebook dhe Twitter; Po, të mos harrojmë presidentin Ilir Meta i cili postonte foto nga plazhi, të tjerët nuk u shprehën të paktin si ai, se nuk e çajnë kokën fare. Rroftë plazhi!
Shqetësimi për Drenicën ndoshta nuk ishte i madh me mos reagimin e liderëve të dy shteteve shqiptare, por në momentin kur u deklarua KFOR-i se ishte i gatshëm të ndërhyjë, situata u bë shumë më serioze.
Pra, pse nuk ka ndërhyrë KFOR-i, tashmë është e qartë se merita është e Presidentit të Serbisë, Aleksandar Vuçiç i cili hoqi dorë nga vizita e tij në Banjë të Drenicës. Ai nuk u zmbraps nga protesta shqiptare por vendosi të kthehet. Sikur ai të kishte kërkuar me çdo çmim, realizimin e itinerarit të miratuar të vizitës së tij në Kosovë, nga komunikata e KFOR-it kuptohet se do të realizohej në tërësi.
Çfarë do të ndodhte pas kësaj ndërhyrje, vetëm mund të parashikohet, apo siç u shprehë edhe vetë Aleksandar Vuçiç, do të cenohej siguria e serbëve që jetojnë në Banjë. Dhe, konflikti do të përshkallëzohej duke marrë përmasa të paparashikueshme!
Por u shprehë vetëm Aleksandar Vuçiç, të tjerët heshtën. Pak minuta më pas u dëgjua edhe zëri i Brukselit që dënoi cënimin e lëvizjes së lirë të Vucicit ndërsa kryeministrja e Serbisë, Ana Bërnabiç akuzojë përfaqësuesit e institucioneve shqiptare si joserioz dhe të papërgjegjshëm.
Ndonëse është thënë nga goja e kryeministres së shtetit më antishqiptar në botë, dhe jo në kontestin që ajo flet, me veprimet e Thaçit dhe Metës, Haradinajt dhe Ramës, del se shqiptarët e Drenicës dhe jo vetëm, kanë vërtetë liderë joserioz dhe të papërgjegjshëm. Edhe në momentet më kritike për kombin, ata nuk rrespektojnë Ligjin dhe Kushtetutën para së cilës janë betuar.
Sot, koha është për të reflektuar meqë Kosova shpëtoi pa meritën saj, pse Drenica dhe jo vetëm, ishte jetime!
