Dritan Abazoviç, kryeministër i qeverisë së 43-të të Malit të Zi

Me 45 vota për dhe 3 vota socialdemokrate kundër, Parlamenti i Malit të Zi zgjodhi Kryeministrin e Qeverisë së 43-të, Dritan Abazoviç.

Qeveria e Abazoviçit e cila do të ketë 18 ministra, 4 Zv/Kryeministra që janë njëkohësisht dhe ministra dhe 2 ministra shteti sipas Kryeministrit të ri të Malit Zi, do të ketë dy shtylla kryesore: sundimi i ligjit dhe zhvillimi ekonomik, që kanë 5 prioritete të veprimit, që janë: lufta kundër korrupsionit, disa investime të qëndrueshme, integrimi në Bashkimin Europian, zhvillimi i qëndrueshëm dhe mbrojtja e mjedisit, si dhe afirmimi i fëmijëve dhe të rinjëve.

“Të gjithë anëtarët e Qeverisë janë të detyruar të merren me të ardhmen e Malit Zi, dhe jo me robërimin në të kaluarën. Për këtë arsye jam krenar që për herë të parë do të punojnë së bashku subjektet që deri më tani nuk kanë bashkëpunuar,” tha Abazoviç duke folur për prioritet e qeverisë së re të Malit Zi.

“Siguria e qytetarëve është e rëndësishme për çdo qeveri, për këtë arsye në fokus do kemi luftën kundër krimit të organizuar dhe grupet që veprojnë në territorin e Malit Zi. Tashmë Mali i Zi ka dhe dokumentin SOCTA i cili ka përkufizuar se cilën janë armiqtë e vendit tonë nga fusha e krimit të organizuar,” tha Kryeministri i ri i Malit Zi duke theksuar se për këtë qeveri me rëndësi do të jetë edhe vazhdimi i autostradës Tivar-Bolare dhe gjetja e mundësive të financimit sa më të mirë, që do të ketë impakt në zhvillimin e gjithëmbarshëm ekonomik.

“E domosdoshme është që deri në fund të studiohen të gjitha problemet eventuale dhe dyshimet që kanë ndjekur këtë projekt infrastrukturor,” tha Abazoviç duke shtuar se qeveria do të punoj që sezoni tursitik të jetë sa më i gjatë.

“Që turistët dhe shpenzimet e tyre të rriten, me ripozicionimin e produktit turistik të Malit Zi, që do të bëhemi destinacion i turizmit të qëndrueshëm,” tha Kryeministri i ri sipas të cilit Mali i Zi ka potencial të madh për zhvillimin e turizmit fetar.

“Qeveria do të inicoj themelimin e Zyrës për promovimin ndërkombëtar të Malit Zi, roli i së cilës do të jetë prezantimi i Malit Zi në botë, duke përdorur mjete të ndryshme të komunikimit. Detyrë e kësaj Zyre do të jetë organizimi dhe pjesëmarrja e Malit të Zi në manifestime ndërkombëtare, siç është EXPO, ku do të promovohet vendi ynë,” tha Kryeministri i ri i Malit Zi, Dritan Abazoviç, duke shtuar se ky është vend i mundësive të mëdha, të cilat nuk do të shfrytëzohen deri sa nuk do të mesohemi të kultivojmë kulturën e kompromisit.