Drogë shqiptare/ “Tabanoc”, kapen 350 kg marijuanë me destinacion BE-në

Policia maqedonase ka kapur 350 kg marijuanë në pikën kufitare “Tabanoc”.

Droga, e cila ishte nisur nga Shqipëria me destinacion tregun Evropian, u gjet brenda një makine që drejtohej nga një 63-vjeçar shqiptar.

Ai tentoi të kalojë kufirin, rreth orës 1 pas mesnatës, por gjatë kontrollit të mjetit nga doganierët, u gjet droga e fshehur nën 130 paleta të punuara për transport të luleve.

Shtetasi shqiptari me iniciale B.F., është arrestuar nga policia. 

Kundër tij nga Prokuroria e Kumanovës do të dorëzohet padi penale për prodhim të paautorizuar dhe futje në treg të lëndëve narkotike dhe substancave psikotrope.