Droni ukrainas godet radarin rus, 1.500 kilometra larg fushëbetejës

Droni ukrainas ka goditur radarin rus për paralajmërim të hershëm “Voronjezh M” në afërsi të qytetit Orska në rajonin Orenburg në një largësi rekord.

Një burim nga shërbimi sekret në Kiev, tha për Agjencinë britanike të lajmeve Reutersu, se sulmi u realizua mbrëmë nga Shërbimi sekret ushtarak i Ukrainës pa dhënë detaje për dëmet e shkaktuara.

Qyteti Orsk është rreth 1.500 kilometra larg territorit më të afërt që kontrollohet nga forcat ukrainase.

Ndërkohë në një sulm tjetër me dron ukrainas në rajonin Orel, një person ka humbur jetën dhe tre janë plagosur, tha guvernatori i rajonit Andrei Klitschko përmes rrjetit social Telegram.

Andrei Klitschko tha se droni u rrëzua në një pikë karburanti duke e shkatërruar, ndërsa tjetri ra duke e lënë të vdekur zjarrfikësin.