Dropulli e Finiqi dy ditë në luftë me flakët, ministri Peleshi: Sot dy avionë “Canadair” nisën fikjen nga ajri

Pas dy ditë lufte me flakët të banorëve të Dropullit dhe Finiqit të ndihmuar nga zjarrëfikësit, emergjenca civile dhe Forrcat e Armatosura, më në fund përmes Mekanizmit Evropian të Mbrojtjes Civile sot filluan fikjen e zjarrit përmes ajrit dy avionë Canadair që erdhën nga Greqia.

“Dy avionë të tipit Canadair sapo nisën ndërhyrjen nga ajri për fikjen e flakëve në Dropull dhe Finiq.

Avionët janë vënë në dispozicion nga Greqia si mbështetje për Shqipërinë përmes Mekanizmit Evropian të Mbrojtjes Civile,” bënë të ditur ministri i Mbrojtjes, Niko Peleshi duke shprehur mirënjohje për gatishmërinë e treguar edhe të qeverisë italiane dhe asaj kroate.

Reagimi:

Dy avionë të tipit Canadair sapo nisën ndërhyrjen nga ajri për fikjen e flakëve në Dropull dhe Finiq.
Avionët grekë, vijnë si mbështetje për Shqipërinë përmes Mekanizmit Evropian të Mbrojtjes Civile dhe i bashkohen përpjekjeve të Forcave tona të Armatosura, zjarrëfikësve, punonjësve të emergjencave civile dhe strukturave vendore që prej 2 ditësh po luftojnë me flakët atje.

Mirënjohje!

Mirënjohje për gatishmërinë e treguar për të sjellë mjete ajrore edhe qeverisë italiane dhe asaj kroate.