Duhen dokumenta, PD: Erion Veliaj refuzon ushqimin për të pastrehët!

Erion Veliaj është kryebashkiaku mashtrues dhe me dy fytyra i Tiranës, është akuza e Partisë Demokratike e cila sot përmes Ish-Deputetes Orjola Pampuri sjell fakte se si ai njërën fytyrë e ka për propagandën e shtrenjtë në ekrane, e fytyrën tjetër për shpërfilljen e më të pamundurve deri në refuzimin e një pjate supë.

“Emisioni invetigativ “Boom” i ka hequr maskën e bamirësit Erion Veliajt, i cili pati deklaruar se ‘në një qytet solidar askush nuk do të ngryset pa një pjatë të ngrohtë.’. Është e gjitha propagandë! Dyert e qytetit nuk janë të hapura për qytetarët e vet më në nevojë, nëse ata nuk kanë dorëzuar më parë një mal me dokumenta në shkëmbim të nëj pjate supë,” tha Orjola Pampuri duke publikuar fakte për këtë mashtrim të pacipë të Erion Veliajt.

“Në rrugët e Tiranës në këto ditë të ftohta dimri gjen plot njerëz që enden rrugëve, të pamundur për t’u ushqyer apo për të siguruar një çati ku të shmangin të ftohtin. Të sigurosh një pjatë në mencat sociale të Erion Veliajt është më e vështirë dhe ka më shumë burokraci seaa të gjesh një punë,” thekson Ish-Deputetja e Partisë Demokratike duke shtuar se ata i duhen kryemashtruesit të Tiranës vetëm për festa, që të verë përparësen, të marrë garuzhden, e të shesë një realitet të rremë, kur, në të vërtetë, pjatën e ngrohtë e pengon një mal me burokraci.

“A mund të presë uria, nevoja për ushqim, kohën për të plotësuar dokumentacionin? A mundet një njeri që troket për të kërkuar një pjatë supë, të gënjejë për gjëndjen e tij, ndërsa punonjësja nuk i ofron ushqimin dhe kërkon të investigojë më tej për të përmes një komisioni! Dikush që troket për t’u ushqyer në një mencë sociale do të thotë se ka prekur fundin dhe vendimi më i njerëzishëm është të mos refuzohet,” thekson Ish-Deputetja e Partisë Demokratike, Orjola Pampuri duke përfunduar:

“Banorët e Tiranës duhet ta mbajnë mend mirë këtë trajtim johuman të atyre që vuajnë për një copë bukë në kuptimin e parë të fjalës. Kjo është fytyra e vërtetë e Erion Veliajt, fytyra e zezë e një kryemashtruesit të pashpirt që kujdeset vetëm për t’i dhënë leje ndërtimi trafikantëve të drogës, klientëve të vet dhe të Edi Ramës.”