Duke respektuar vullnetin e Thaçit, LDK dhe AAK arrijnë Marrëveshje

Ndonëse Marrëveshja e servirur nga shërbëtori i Hashim Thaçit dhe Kryetar i LDK, Isa Mustafa, nis me togëfjalshin “Duke respektuar vullnetin demokratik të qytetarëve të Republikës Kosovës, të shprehur në zgjedhjet parlamentare të 6 Tetorit 2019” dhe ky vullnet AAK-së, Nismës dhe AKR-së nuk i ka besuar qeverisjen e shtetit, Isa Mustafa duke respektuar vullnetin e Thaçit nisi një aventurë antikushtetuese për formimin e qeverisë me kryetarin e AAK, Ramush Haradinaj duke i dhënë njerëzve të pavotuar 4 ministri dhe postin e Kryeministrit.

Pas firmosjes së Marrëveshjes me shërbëtorin e Thaçit, Kryetari i AAK-së, Ramush Haradinaj tha se partia e tij do t’i ketë katër ministri si dhe një post të zëvendëskryeministrit të parë.

“Sipas marrëveshjes, zëvendëskryeministër i parë do të jetë Besnik Tahiri. Ministre e Punëve të Jashtme, Meliza Haradinaj-Stublla, Ministër i Drejtësisë, Selim Selimi, Ministër i Zhvillimit Ekonomik, Blerim Kuqi dhe Ministër i Arsimit, Ramë Dika.”

Dhe, përkundër paralajmërimeve nga partia fituese e zgjedhjeve, Lëvizja Vetëvendosje, se do ta dërgojë në Gjykatën Kushtetuese, LDK do vazhdoj procesin e negociatave me subjektet tjera jofituese në zgjedhjet e 6 Tetorit, të cilave i referohet shërbëtori i Thaçit, Isa Mustafa.

Ndërkohë Kryetari i PDK, Kadri Veseli, e bëri të qartë se nuk do të votojë qeverinë emashtrimeve.

“Asnjë deputetë i PDK-së nuk voton qeveri të mashtrimeve. LDK dhe LVV janë përgjegjëse për këtë gjendje të krijuar dhe ato duhet të gjejnë zgjidhje. Ne kërkojmë që vendi të shkojë në zgjedhje të reja demokratike pas pandemisë.”