Duma ruse miraton Kryeministrin e ri

Me 383 vota për dhe 41 abstenime, Duma ruse miratoi të emëruarin e Presidentit Vladimir Putin, Kryeministër të Rusisë, Mikhail Mishustin.

Kryeministri i ri, Mikhail Mishustin, pas miratimit të kabinetit të tij iu drejtua deputetëve të Dumës duke premtuar ruajtjes e stabilitetit makroekonomik të Rusisë me një inflacion prej 4 për qind

Mishustin premtoi se do të përshpejtoi punën në projektet kombëtare dhe programin e zhvillimit ekonomik të cilin Vladimir Putin e kishte prezantuar në vitin 2008.

Ndryshe, presidenti i Rusisë, Vladimir Putin iu drejtua sot kombit ku foli për gjendjen në vend me qëllim, siç tha, përshpejtimin e zgjidhjes së problemeve të mëdha sociale, ekonomike dhe teknologjike.

Ndonëse foli edhe për ndryshime kushtetuese, Kryeministri Dmitrij Medvedev e mori mesazhin dhe pas këtij fjalimi të Putinit ai dha dorëheqje me gjithë kabinetin e tij.

Ndërkohë bashkëpunëtorit dhe aleatit të Putinit në shkatërrimin e ekonomisë ruse dhe rendit kushtetues të Rusisë, tashmë ish-kryeministër, Dmitrij Medvedev, iu ofrua posti i Nēnkryetarit të Këshillit për Siguri Kombëtare të Rusisë.