“Partizani” çështje nën hetim, Dumani: Ka pasur hetim pasuror ndaj Sali Berishës!
Kreu i Prokurorisë së Posaçme kundër Korrupsionit dhe Krimit të Organizuar, SPAK, Altin Dumani, zhvilloi një takim të çuditshëm me gazetarët në prag të protestës së Partisë Demokratike më 11 korrik, ku për liderin e saj Sali Berisha hodhi sërish shashka për ti thënë shqiptarëve se hetimet për kompleksin Partizani vazhdojnë ndërsa ka pasur dhe një hetim pasuror.
“Janë bërë hetimet pasurore për Berishën,” është shprehur Altin Dumani ndërsa pa u turpëruar fare që ka arrestuar në shtëpi për plotë gjashtë muaj kot kreun e opozitës, për kompleksin “Partizani” tha se çështja është në hetim.
“Janë grumbulluar të gjitha provat dhe ajo që dihet është që, është çështje nën hetim!”
Takimi i sotëm i kreut të SPAK, Altin Dumani, me gazetarët ushqeu paksa portalet në shërbim të qeverisë duke krijuar idenë se dhe për Zv/Kryeministrin Arben Ahmetaj ishte hedhur rrjeta për ta kapur ndonëse sqarimi i tij më shumë se qesharak.
Ekstradimin e tij drejt Shqipërisë, Altin Dumani tha se është një procedurë e cila zgjat!
“Që ditën që kemi bërë kërkesën për ekstradim jemi në pritje,” tha kreu i SPAK duke menduar sikur shefi i tij Edi Rama se përballë ka ca idiotë që nuk guxojnë të flasin, por kur u pyet për faktin se Arben Ahmetaj ka bërë një kërkesë për azil, ai heshti!
Ndërsa për intervistën e Ish-Zv.Kryeministrit dhënë për RAI 3 u mjaftua të thotë se deklaratat e tij po vlerësohen ndonëse ato ishin konkrete.
“Lidhur me inceneratorët, çështja është nën hetim. Edhe deklaratat e dhëna nga personi në fjalë po vlerësohen. Ka persona të hetuar, të arrestuar, një ndër ta është zoti Ahmetaj!”
Në fund, kreu i SPAK ishte qesharak ishte qesharak edhe për çështjen McGonigal që në Shtetet e Bashkuara është hetuar dhe dënuar fajtori ndërsa për “Xibrakën” vetëm sa e rikonfirmoi se është rihapur dosja.
“Po SPAK ka rifilluar hetimet dhe ka të regjistruar procedim penal për dosjen ‘Xibraka’, po hetohet. Ne kemi disponuar mosfillimin dhe thuhet qartësisht që nuk ka bërë kallëzim Bardhi,” tha Altin Dumani ndërsa për çështjen McGonigal ku është i përfshirë dhe Edi Rama, Altin Dumani shtoi:
“Jemi në fazën e hetimit paraprak!”
