Dumani kampion i Antikorrupsionit si Dvorani, Blinken: Sot vlerësojmë 10 individë! 

Sot vlerësojmë 10 individë të rëndësishëm që kanë bërë luftë të jashtëzakonshme kundër korrupsionit dhe ti mbështesim ata, tha Sekretari amerikan i Shtetit, Antony Blinken, në ceremoninë e ndarjes së çmimeve në Departamentin e Shtetit ku “kampion i luftës Antkorrupsion” u shpall dhe kreu i SPAK, Altin Dumani.

“Altin Dumani ka goditur politikanë të lartë edhe grupe të rëndësishme kriminale. Duke bërë një punë të jashtëzakonshme dhe është një nga njerëzit dhe institucioni më i besueshëm në Shqipëri,” ishte motivacioni që shpall kreun e SPAK nga DASH “kampion të luftës Antiorrupsion”, që duke e shpall kampion ashtu siç ishte shpall kreu i Këshillit të Emërimeve në Drejtësi, Arian Dvorani, më në fund konfirmon atë që thonë kritikët e SPAK-ut për luftën që bënë Dumani kundër Korrupsionit.

Gjithësesi, Sekretari i Shtetit foli për arsyet e mbështetjes së SPAK:

“Në e dimë që në momentin që qeveritarët bëjnë korrupsion, qytetarët humbin besimin te qeveria. Kjo krijon edhe kushte për kriminelët dhe terroristët që të jenë më aktivë. Ndaj ne kemi dhënë mbështetje të jashtëzakonshme për të trajnuar për të dhënë ndihmë për këto vende që kanë probleme.”

Pas këti vendimi të DASH ka reaguar edhe Ambasada e SHBA në Tiranë duke i shpreh urimet Altin Dumanit për vlerësimin me Çmimin për Kampionët Kundër Korrupsionit për vitin 2024 në vlerësim të përpjekjeve të jashtëzakonshme në luftën kundër korrupsionit.

“Ky çmim nderon vendosmërinë, guximin dhe integritetin tuaj të palëkundur në ndjekjen e drejtësisë në emër të popullit shqiptar. Puna juaj frymëzon të gjithë ata që besojnë në fuqinë e së vërtetës dhe llogaridhënies,” shprehet në urimin e saj Ambasada përmes rrjeti social X duke përfunduar:

🇦🇱 Ambasada e SHBA i shpreh urimet Altin Dumanit për vlerësimin me Çmimin për Kampionët Kundër Korrupsionit për vitin 2024 në vlerësim të përpjekjeve të jashtëzakonshme në luftën kundër korrupsionit. Ky çmim nderon vendosmërinë, guximin dhe integritetin tuaj të palëkundur në… pic.twitter.com/Saivqxoedl

— U.S. Embassy Tirana (@USEmbassyTirana) December 9, 2024

“Ambasada e SHBA do të vazhdojë të punojë me ju, me SPAK dhe me të gjithë institucionet e drejtësisë për të bërë realitet barazinë përpara ligjit për të gjithë qytetarët e Shqipërisë.”

Ndryshe, Altin Dumani prej dy vitesh drejton SPAK-un në mandatin e tij trevjeçar, institucionin të cilin Kryeministri Edi Rama tha se e krijuar Partia Socialiste.