Durrës, Basha: Pse është normale që vettingut ti nënshtrohet polici më i thjeshtë dhe jo politikanët?!
Nga qyteti bregdetar i Durrësit, kryetari i PD, Lulzim Basha në fjalën e tij vëmendje të veçnatë në fjalën e tij i ka kushtuar Vettingut në Politikë, Draftin i të cilit ligj është depozituar në Parlament por që është hedhur poshtë nga Edi Rama ende pa u protokolluar.
Lulzim Basha me këtë rast tha se pse është normale është normale që vettingu ti nënshtrohet polici më i thjeshtë dhe jo politikanët ndërsa ju përgjigj edhe marrëzirave të mazhorancës lidhur me SPAKU-unë dhe Byronë e Hetimit:
“Nuk e do vettingun se ka për qëllim të largojë nga Kuvendi dhe zyrat e larta politikanët e korruptuar dhe të lidhur me të. E kemi dëgjuar dhe ndjerë mbështetjen e plotë të shqiptarëve që e duan vettingun në politikë. Xhafa, Balla, Çyrbja, Rama dhe kushdo tjetër i lidhur me krimin duhet ta dijë mirë. Pretendimet që paraqesin sot, ishin njësoj si të dekriminalizimit, beteja ishte e gjatë por ne ia kemi dalë.
Le ti hedhim poshtë mashtrimet e tij dhe politikanëve të tjerë të lidhur me krimin. Pse është normale që vettingu ti nënshtrohet polici më i thjeshtë dhe jo politikanët. Pse nuk na doli problem teknik me vettingun e prokurorëve dhe gjyqtarëve?”
Ndërkohë për pretendimet e mazhorancës së Edi Ramës për hetimin që mund të bëjnë SPAK dhe Byroja e Hetimit, kryetar i Partisë Demokratike thekson:
“SPAK dhe Byroja e hetimit e ka juridisionin për të hetuar politikanët, prokuroria mund të hetojë familjarët. Gënjeshtra më e trashë që ka qarkulluar, tregon panikun e Ramës, për të justifikuar para shqiptarëve pse nuk pranon vettigun, vettingu nuk ka asnjë ndikim negativ më reformën në drejtësi.”
Nga dita që është depozituar Drafti në parlament nga mazhoranca janë dëgjuar çudira nga më të ndryshme, e sa për atë që Vettingu i politikanëve pengon atë në drejtësi, Basha ka një përgjigje të prerë:
“Të thuash që vettingu i politikanëve pengon atë në drejtësi është gënjeshtër e trashë, ju kanë rënë të gjitha alibitë, për të pastruar politikën e e lidhur me krimin. Rama i trembet vettingut në politikë, nuk ka e nuk do të ketë asnjë negociatë, diskutim, ulje në tavolinë bisedash me Ramën dhe bandën e tij sa kohë institucionet janë të pushtuar nga krimi dhe politikanët e lidhur me krimin, do luftojmë deri në fund për dekriminalizimin e plotë, me çdo mjet e çdo formë.
