Durrës-Vlorë, arrest kardiak në det, dy të vdekur

Një 70 vjeçar është ndarë nga jeta mëngjesin e sotëm në Durrës.

Sipas policisë, 70 vjeçari J.GJ. banues në Laprakë, ka pësuar një arrest kardiak sapo është futur në det.

“Rreth orës 10:15, në lagjen nr. 13, shtetasi J. Gj., 70 vjeç, banues në Laprakë, dyshohet se sapo ka rënë në kontakt me ujin në det, ka pësuar arrest kardiak dhe si pasojë ka humbur jetën,” bënë të ditur Policia e Shtetit duke shtuar se Grupi hetimor vijon punën për sqarimin e plotë të rrethanave të rastit.

Ndërsa në Vlorë, një 83 vjeçar ka ndërruar jetë sot pasi ka pësuar arrest kardiak duke u larë në det.

Sipas policisë, i ndjeri ka ka humbur jetën duke u transportuar në Spitalin e Vlorës.

“Sot, në Zvërnec, shtetasi F. R., 83 vjeç, banues në Fier, dyshohet se ka pësuar arrest kardiak duke u larë në det dhe si pasojë ka humbur jetën duke u transportuar në spitalin e Vlorës,” thekson Policia e Shtetit përmes një njoftimi duke shtuar se Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.