Dy ditë shi rrëzon shtetin e Edi Ramës, paralizohet Shkodra

Shteti i cili vuante nga thatësira, sipas Kryeministrit Edi Rama, me vetëm dy ditë reshje shiu paralizoi Qarkun Shkodër dhe shënoi dy viktima ndërsa sot është kthyer në Venecia, ku evakuimi nëpër fshatëra bëhet me varka. Sipas raportit të fundit të emergjencave civile, janë plot 590 banesa të përmbytura, ndërsa deri më tani janë evakuuar 32 familje.

Dhe, ndryshe nga viti 2010 kur Edi Rama si lider i opozitës akuzonte qeverinë për menaxhimin e keq të prurjeve dhe abuzimet me hapjen e kaskadës, për dy ditë ishte pikërisht hapja e kaskadës që shkaktoi përmbytjet.

Ndërkohë, Ura e Bahçallëkut që për vite të tëra ishte shqetësim për banorët e zonës sot doli nga përdorimi duke u ndaluar dhe lëvizja për shkak të dëmtimit të rëndë ndërsa u ndërpre qarkullimi në aksin Shkodër – Tiranë tek Harku i Bërdicës ku prezenca e ujit ka arritë 50 cm.

Informacion mbi situatën e përmbytjeve në territorin e Bashkisë Shkodër:

Nj.A. Ana e Malit

1. Sipërfaqja e tokës bujqësore e përmbytur vlerësohet në 1000 Ha, kryesisht në fshatrat Obot, Muriqan,Oblikë 

2. Rruga e Obotit – Niveli i ujit mbi rrugë arrin rreth 70 cm.
3. Ujësjellësi Oblika 1,si pasojë e përmbytjeve është jashtë funksionit

 Nj.A Dajç

1.Sipërfaqja e tokës bujqësore e përmbytur vlerësohet në 140 Ha, kryesisht në fshatrat Mushan, Shirq, Pentar.

2. Rruga që lidh fshatrat Pentar- Ças ka prezencë uji.
3. Buna ka deportuar në Urrelat e Shirqit

Nj.A.Velipojë

Sipërfaqja e tokës bujqësore e përmbytur vlerësohet në 165 Ha.kryesisht fshatrat Baks, Luarz. Ças.

Nj. A. Guri i Zi

Sipërfaqja e tokës bujqësore e përmbytur vlerësohet në 500 Ha, kryesisht në fshatrat Kuç dhe Rrenc.

Nj.A.Bërdicë

Sipërfaqja e tokës bujqësore e përmbytur vlerësohet në 600 Ha, konkretisht në fshatrat Trush,Berdicë e Siperme,Berdice e Mesme, Beltoje.

Familje të evakuuara: 

Janë 32 familje të evakuara, gjithsej 139 persona, kryesisht nga Njësitë Administrative :

Nj. Administrative Guri I Zi, 15 familje (57 persona)

Nj. Administrative Bërdicë, 12 familje (50 persona)

Lagja Nr.4,  3 familje (7 persona)

Lagja nr. 1,  2 familje ( 7 persona) 

Të akomoduar në konvikt 2 familje ( 7 persona), ndërsa pjesa tjetër tek të afërmit .

Shtëpi me prezencë uji në oborre dhe në brendësi të banesave gjithsej 590 banesa: 

Guri I Zi 250 banesa

Bërdicë 210 banesa, nga këto 40 ne biznese

Lagja Nr.4, 30 banesa

Lagja nr. 1, 100 banesa

Ndërkohë shtimi i reshjeve ka sjellë edhe daljen e lumit Ishëm nga shtrati gjatë natës, duke shkaktuar disa përmbytje në disa zona në Fushë-Krujës.

Në njësinë administrative Balldren për shkak të situatës së rënduar ka sipërfaqe të mëdha të mbuluara me ujë, në  shatrat Mabe, Piraj, Gjadër te NJA Dajç dhe Torovicë.

Sipas të dhënave nga strukturat e MC të bashkive Lezhë, Kurbin dhe Mirditë  sasia e reshjeve të rëna  për 2 ditët e fundit ka qenë 212 mm.

Sa i takon gjithë qarkut të Kukësit vazhdon të jetë i përfshirë nga reshje shiu me intensitet mesatar.

Është një urë në fshatin Kepenek dhe një në fshatin Zogaj të Nj.Ad Bytyç bashkia Tropojë të cilat paraqesin problematika.

Bashkia Tropojë raporton se janë marrë masat për evakuimin e familjeve të rrezikuara ndërkohë banorët e zonave të rrezikuara nuk e kanë parë shtetin përveç se me celular!

Gjatë 24 orëve të fundit situata e reshjeve në bashkitë Fier, Patos e Mallakastër paraqitet me disa problematika. Për shkak të motit të keq ka patur probleme në disa fshatra që mbulon kjo zona shperndarje dhe aktualisht më shumë se 1000 abonentë janë pa energji elektrike.

Në zonan e Roskovecit në fshatrat Suk 1 e Suk 2 ka pasur ndërprerje të energjisë elëktrike e cila është rinthyer në orët e para të mëngjësit.

Në  zonën e Levanit , Kafaraj , Qarr e Bishan enegjia ka munguar për disa orë ndërsa në Peshtan momentalisht janë 50 familje për shkak të dëmtimit të nje kabine elektrike, hyrja në të cilën është e veshtirë.

Lumenjte Vjosa e Seman janë në shtratin e tyre , hidrovoret punojne me kapacitet të plotë ndërsa dëme në tokat bujqësore nuk ka.

Në Lushnjë e Divjakë përgjatë natës ka patur mungese energjie në disa fshatra por grupet e punes përgjatë gjithë natës kanë qënë në terren dhe në orët e para të mëngjesit të gjitha difetktet janë riparuar.

Akset rrugore nacionale e rurale jane te gjitha te hapura në Elbasan. Kemi pasur prani inertesh ne sasi te vogel ne aksin rrugor Elbasan-Gjinar dhe Gramsh-Moglice te cilat jane pastruar nga firmat kontraktuese.

Në bazë të informacioneve të vazhdueshme të marra nga strukturat përgjegjëse vendore, si dhe nga strukturat e gadishmërisë së përhershme konfirmohet se në të gjithë teritorin e Qarkut Durrës, reshjet e shiut gjatë orëve të vona të natës deri aktualisht kanë pushuar. Rreshjet e dendura ia kanë lënë vendin erës me intensitet të lartë. Megjithatë 10 familje janë zgjuar te rrethuara nga uji mëngjesin e kësaj të hëne. Sipas banorëve shkak për përmbytjen e kësaj zone bëhen kanalizimet të cilat bllokohen dhe kanë dalë jashtë funksionit.

Në fund, duhet pranuar se Edi Rama si në vitin 2010 si lider i opozitës ashtu dhe sot si Kryeministër nuk është se nuk bëri asgjë: në vitin 2010 dërgoi ushqime sepse luftonte për pushtet, sot kur e ka pushtetin hap kaskadën, përmbyt Shkodrën dhe dërgon e FNSH e ushtrinë, për të ndihmuar, siç thotë, qytetarët e bllokuar.

E shqiptarët, që tashmë gjithçka e kanë qartë, kokën nuk e mbajnë më nga Tirana ku kishin Qeverinë, por nga qielli duke e lutur Zotin, të vetmin aleat që u ka mbetur.